Refereinenbundel, Anno 1524

[p. 247]

Reffereijne CCLIV
Peyst wat den tyt es wanneer hi leden es

O Sondich saet Adams broeitsele
Die vroich noch laet / en hebt beuroetsele
mer neemt v voetsele / int sondich belyt
Dyn oghen slaet twordt v een boetsele
Tot goeds raet / inder duecht veroetsele
⁺deuwich behoetsele / v dan beurijt
Denckt waen ghij quaemt / wie ghij sijt
al mach v profyt / of vruecht omringhen
Wij en hebben hier ghenen vasten tijt
dach noch respijt / dan nae goeds gehinghen
Dus laet berou int herte dringhen
wilt biecht voortbringhen / soot wel in seden es
Soe moechdi sviants listen ontspringhen
Ende wildi v mitten inghelen minghen
peijst wat den tijt es wanneer hij leden es

Peijst om die daghen voer ghepasseert
Die om tbehaghen v net palleert
en meest regneert / nae ghelt en goet
Ghij muecht wel claghen die dus glorieert
In druckich knaghen wort ghi ghepuneert
oft accordeert / inder duechden vloet
Denct om die erm siele wat ghy doet
diet naemaels moet / al heel betalen
Denct die vier wterste / weest wijs en vroet
twort v behoet / der helscher qualen
Laet goods passie int herte dalen
dyn vrucht sal smalen / die vol wreetheden es
Emmer wildi v siele in vruechden palen
Soe moety v sonden dick ouerhalen
⁺en peijst wat den tijt es wanneer hij leden es

+ Fol. 344^v (cccxxxvii^v)

+ Fol. 345 (cccxxxviii)

[p. 248]

 

Voort ouerdenct wel uwen last

 

Die siele crenct / v sonde wast ³²

 

een ijeghelick tast / mit hopen groot

 

Men danst / men sprinct / men hooft / men brast

35

Men drinct / men sinct / met vruechden vast

 

niement en past / op duere der doot

 

Nochtans moet elc inder laetster noot

 

tdeerlicks exploot / des lichaems ontfaen

 

Als dan ten eijnde gherolt is den cloot

40

dan roiptmer bloot / alle santen aen

 

O mensche twaer beter in tijts ghedaen

 

dus betert v saen / die hier beneden es

 

Wildi in state van gracien staen

 

Ende naemaels goods rijcke ontfaen

45

peijst wat den tijt es wanneer hij leden es

 

 

 

Prinche

 

 

 

Men mocht v die duecht niet ontpluycken

 

Des tijts die hem hier in duechden ghebruijcken

 

die moghen gheraken daert vol vreden es

 

Mer die hier int sondich leuen duijken

50

En achten den tijt niet / mer in sonden beluijken

 

denct wat den tyt es / wanneer hy leden es

32 de i van siele verb. uit e