Devote oeffeninghe op de vijf lettere van de soete ende alderheylichste namen Iesus ende Maria

V. Ghebedt.

Heere, wy bevelen u de ziele van uwen dienaer N. ende wy bidden u Heere Iesu Christe, Salichmaker der werelt, dat ghy niet weyghe

[p. 404]

ren en wilt dese inden schoot der Patriarchen te brenghen, voor de welcke ghy bermhertiglijck ter aerde neder-ghedaelt zijt. Heere, bekendt u maecksel, dat van gheenen vremden Godt gheschapen en is, maer van u, die alleen levendigh ende waerachtich Godt zijt: want daer en is geenen anderen Godt dan ghy, ende niemant en kan uwe wercken nae doen. Heere, maeckt zijne ziele blijde in u aenschouwen, ende en wilt niet ghedencken zijnder ouder boosheden ende dronckenschappen, die de rasernye oft de hitte der quaeder begheerten mocht verweckt hebben. Want al heeft hy gesondicht, hy en heeft nochtans den Vader, ende den Sone, ende den Heylighen Gheest niet gheloochent, maer ghelooft: ende hy heeft den yver Godts ghehadt, ende den Heere, die het al gheschaepen heeft, ghetrouwelijck aenghebeden.