Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
It jonge Fryslân (1882)

Informatie terzijde

Titelpagina van It jonge Fryslân
Afbeelding van It jonge FryslânToon afbeelding van titelpagina van It jonge Fryslân

  • Verantwoording
  • Inhoudsopgave

Downloads

PDF van tekst (0.75 MB)

XML (0.29 MB)

tekstbestand






Genre

poëzie

Subgenre

bloemlezing
gedichten / dichtbundel


© zie Auteursrecht en gebruiksvoorwaarden.

It jonge Fryslân

(1882)–Onno Harmensz Sytstra, Pieter Jelles Troelstra–rechtenstatus Auteursrechtvrij

Sangen en rimen fen jonge Fryske skriuwers


Vorige Volgende
[pagina 62]
[p. 62]

Hetsjemoi.
fen
P.J. Troelstra.

 
Hetsjemoi wier sechstich jier,
 
- 't Jongste wier der ôf! -
 
Ronflich 't fel, en griis it hier,
 
En dêrby hwet dôf.
 
Do 't hja faem wier, jong en derten,
 
Hien' de frijers hjar forgetten.
 
 
 
't Kin al mâl, seit jamk myn heit,
 
En det 's siker wier;
 
Hetsjemoi waerd yet de breid;
 
Breid fen sechstich jier.
 
En hja boaske, kin 'k fortelle,
 
Mei in âlde widner, Jelle.
 
 
 
Bodsjend strample er oer it paed,
 
Gammel, âld en stiif;
 
Do 't er sa krebintich waerd
 
Tocht er om in wiif;
 
Hwent hy koe him net mear warre;
 
En in faem - det mocht net barre!
[pagina 63]
[p. 63]
 
't Wier in moaije simmerjoun;
 
Hetsje skim're hwet,
 
Lykme allinne; en op de groun
 
Sliepte in skiere kat.
 
Oer de griene fjilden trille
 
't Lêste sinneljocht fol wille.
 
 
 
Hetsjemoi, de hannen gear,
 
Seach ta 't finster út;
 
En de tank oan God de Hear
 
Blonk hjar d'eagen út.
 
En de strielen fen de sinne
 
Dounsen, boartene om hjar hinne.
 
 
 
Dêr kaem Jelle-om oan de doar;
 
Hja rekke út de soes;
 
Heal forbjustre kaem hja foar;
 
Hy gyng yn de hûs.
 
Gau wier'n kopke en pantsje helle,
 
En dêr siet ús âlde Jelle.
 
 
 
Deales wirk; syn mûledoar
 
Siet mar fêst op 't slot;
 
't Hege wird det siet 'er foar;
 
Mar it waerd net flot.
 
Do 't er op syn dré wer rekke,
 
Sei er: ‘'k Woe jou efkes sprekke.
 
 
 
Jy en ik, wy wirde al âld;
 
't Rint nei 't alderlêst;
[pagina 64]
[p. 64]
 
Ja, sa giet it yn de wrâld,
 
En dat is ek bêst.
 
Mar, foar 't wy oan d' ein ta reitsje,
 
Kinn' wy 't ús yet nochlik meitsje.
 
 
 
'k Henkerje sa'n tweintich jier
 
Al allinnich om;
 
Mar det wirdt my nou te swier;
 
'k Ha 't sims neat to rom.
 
Gau bin 'k wirch en ôf; hwent wrammels,
 
'k Stean net fêst mear op myn skammels.
 
 
 
‘En it libben, det jy ha,
 
Is ek alles net!
 
Dêrom - 't liket mâl - mar ja,
 
't Mat my nou fen 't hert:
 
Lit ús, foar 't w' alhiel forslite,
 
Yet de fodden by 'noar smite!’ -
 
 
 
Do wier 't stil in amery;
 
Fier oer greide en bou
 
Sonk de sinne yn 't Westen wei;
 
't Swirk wier suver blou.
 
Hetsjemoi, hwaens eagen blonken,
 
Like yn al dy pracht forsonken,
 
 
 
Nou, det dûrre dêr sa hwet;
 
Mar op 't lêst sei hja:
 
‘'t Komt sa hommels my oer 't mat;
 
'k Mat bitinktiid ha.’
[pagina 65]
[p. 65]
 
‘Dat is bêst,’ sei Jelle-omme,
 
Scil 'k den moarn mar wer ris komme?’
 
 
 
Det wier goed; en Jelle foart:
 
't Waerd him dêr to near;
 
Hwent in hammerke yn syn hert
 
Sloech him wakker sear.
 
‘Mat det sloaf,’ klonk 't yn syn herte.
 
Diel habbe oan dyn soarch en smerte?’
 
 
 
Gau is nou de lampe al op
 
Yn de lytse went;
 
Hetsje slacht de bibel op,
 
't Nije testamint,
 
Det it bêste minske ús eren
 
Neiliet om er út to learen.
 
 
 
Hin, 't âld minske blêddet om
 
Yn det heilich Wird;
 
En hja lêst, en 't wirdt hjar rom:
 
't Tsjuster wirdt toskûrd.
 
‘Lieafde,’ lest se, ‘is 't heechste en bêste,
 
Lieafde is 't earste en 't alderlêste!’
 
 
 
- Wippe 'r ingels yn de flecht
 
Efkes by hjar oan?
 
Pronkje s' âlde Hetsjen op
 
Mei in himelkroan?
 
Stri'elen struije s' om hjar hinne;
 
Ljocht, sa suver as de sinne! -
[pagina 66]
[p. 66]
 
‘Tank, o Hear!' seit hja op 't lêst;
 
'k Scil myn bêst wol dwaen,
 
Om him by syn soarch en lêst
 
Lieafde en treast to jaen.
 
'k Scil yn 't goeddwaen nea net rêste;
 
Lieafde is ommers 't heechste en bêste!’
 
 
 
D'oare jouns: ‘Der wier 'k al wer,’
 
Sei âld Jelle-om; ‘nou,
 
'k Scoe my goed bitinke, hear.!
 
't Bêste is fen my ou.
 
Wol jy mei my oer de planke?
 
Mannichien hie daelk bitanke.’
 
 
 
Glimkjend sei hfa ‘'k Nim it oan;
 
'k Bin det libben ba
 
Op my sels; wy kinne 't skoan
 
Mei ús beiden ha.
 
“Wy kinn' 't wol togearre fine,”
 
Sei de kreuple jin de bline.’
 
 
 
Do 't dit nijs bikind waerd, sjoch,
 
Lyk as diggelfjûr
 
Fleach it tel de burren troch;
 
Mannich gobbe er oer;
 
En de wyfkes, jonge en âlde,
 
Koen' de mûle er net fen hâlde.
 
 
 
Nou, hja troud'n yn 't lêst fen 't jier;
 
't Fjild wier wyt en kâld;
[pagina 67]
[p. 67]
 
Mar de sinne ljochte blier
 
Oer dy keale wrâld:
 
Sa barnde ek yn Hetsje siele
 
'n Hearlik ljocht mei suvre strielen.
 
 
 
Hetsje húske kamen s' yn;
 
't Oare waerd forkoft;
 
Earst gyng 't wakker foar de wyn,
 
En det dûrre in skoft;
 
En, wier Jelle-om simmes senrich.
 
Hetsje makke 'm wol wer fleurich.
 
 
 
Mar de simmer wier yn d' ein;
 
Hearstwyn skûrde oer 't lân;
 
Unwaersboijen, stoarm en rein
 
Hied er yn de hân.
 
Jelle siek; de minsken seijen:
 
‘Nou bigjint for Hetsje 't lijen.’
 
 
 
Sint dy tiid hat d' âlde man
 
Nea net soun wer wêst;
 
D' ein wier fen syn lijen wei;
 
Hetsje hie nin rêst.
 
Mar al mocht hja skrippe en skûrre,
 
Jelle-om grynde en grande en gnoarre.
 
 
 
D' âlde bodder waerd sa koart
 
As in hiemhoun; stiif,
 
Stymsk en noartich; 't wier in lot
 
For syn warber wiif.
[pagina 68]
[p. 68]
 
Mar hja bleau der fleurich ûnder,
 
Soun en sterk; it wier in wûnder!
 
 
 
't Waerd al minder: tweintich kear
 
Rôp er op in dei:
 
‘Hetsje, 'k liz my wer sa sear!
 
Gean net by my wei!’
 
Tweintich kear kaem 't âlde minske.
 
En forlei him, sa 't er 't winske.
 
 
 
Drankjes koed er net mear ha;
 
't Holp dôchs ek nin bean.
 
Hetsje, det getsjirm al ba,
 
Liet det gûd mar stean.
 
En hja sei: ‘For jou is 't bêste
 
Drankje: in steech gedild en rêste.
 
 
 
Jy ha dôchs net om de nocht
 
Libbe op disse wrâld?
 
't Hat jou dôchs hwet fierder brocht? -
 
Wirdt in minske âld,
 
O, den kin er wol tofreden
 
Wêze yn ûnk en swierrichheden.
 
 
 
't Skipke silet earst sa blier
 
Dryst de wrâldsé yn;
 
Alles liket fleur en tier;
 
't Is in bêste wyn!
 
Komme 'r letter swiere boijen,
 
O, dat 's earst in hopen lijen.
[pagina 69]
[p. 69]
 
Njunkelytsen wirdt det oars:
 
Fêster wirdt de hân,
 
Dy 't it roer fen 't skipke hâldt;
 
Krasser is 't forstân.
 
Greater mei de stoarmen wirde,
 
Stjûrman kin 't nou hiel wol hirde.
 
 
 
‘As er den de lêste ich
 
Frjeunlik gloarjen sjocht,
 
En syn reize oer libben's sé
 
Koarts al is folbrocht,
 
Scoed er den yet grine en kleije
 
Om 't sa wyld de weagen jeije?’
 
 
 
De earme bodder seach hjar oan:
 
‘Jow my dôchs dyn hân;
 
Hetsje, wiif, wy habbe 't skoan
 
Mei ús beiden hawn.
 
Dou forsoargest' my yn 't lijen,
 
Sûnder ea dy sels to mijen.
 
 
 
‘Frjeunlik sintsje fen myn joun,
 
Moantsje fen myn nacht,
 
'k Hab yn dy in herte foun,
 
Dat fol lieafde slacht.
 
Bêste siel, dou heste wakker
 
Skript en wrot for d' earme stakker!
 
 
 
“'k Wier yn 't lêst hwet al to hird,
 
Al to koart jin dy;
[pagina 70]
[p. 70]
 
'k Sei sa mannich noartich wird:
 
O, forjow it my!”
 
Hetsje, dy 't oan 't kriten rekke,
 
Sei: Der mastou net fen sprekke,’ -
 
 
 
Neijer kaem de dea, en song
 
Fen in lân fol njue;
 
Alles, hwêr syn herte oan hong,
 
Foun er dêr sa rjue.
 
Stearrend drôge er fen in libben
 
Sunder leed, mei al syn sibben.
 
 
 
Sa forgiet de hope nea
 
Yn it minskehert;
 
Sels yn 't kampjen mei de dea
 
Steart dy hope net.
 
Mat hja disse wrâld forlitte,
 
Oer it grêf, dêr bloit hja yette.
 
 
 
O, in dream is 't libben dôch,
 
En in dream de dea!
 
Dreamend is me hjir in toch,
 
Dreamend giet me dea.
 
Alde dreamen mei' forstouwe,
 
Iwich scil me nije bouwe!
 
 
 
't Is wer simmer, 't is wer joun.
 
Foar it finster sit
 
Hetsjemoi; 't is stil yn 't roun;
[pagina 71]
[p. 71]
 
Hiel natûre bidt.
 
Dauwe dampet fen de greiden,
 
Fûgels tsjotterje yn de reiden.
 
 
 
Fier oer 't fjild sjocht, waerm en rea,
 
't Sinke Hetsjen oan;
 
't Kleed fen dauwe om de lea,
 
Op de holle in kroan.
 
't Slûge sintsje bûgt it holke, en
 
Winkt hjar ta út gouden wolken.
 
 
 
‘'k Bin sa slieprich, 'k jow my del
 
Yn it koele bêd;
 
'k Bin sa wirch fen 't deiske wirk,
 
'k Bin it reisgjen sêd.
 
Swiete slomme scil ik smeitsje,
 
Dreamen scille my formeitsje!
 
 
 
Hastou ek nin sin oan rêst?
 
Kom, o kom den, ju!
 
Libben is it selde as lêst;
 
Rêst it selde as njue!
 
Scoestou, âlde, yette weitsje?
 
Sliep, wy wolle wille smeitsje!’
 
 
 
Hetsje glimket, o sa blier.
 
Oer hjar ronflich fel
 
Ljochtet sinneskyn fol tier...
 
D' holle fâlt fordel.
[pagina 72]
[p. 72]
 
D' eagen ta for d' iiwge slomme...
 
Súntsjes - súntsjes... ‘Ja, 'k scil komme!’...
 
 
 
Yn it smoute bed der sé
 
Krúpt de sinne wei;
 
Hiel natûre leit yn fré
 
Nei de swiere dei.
 
Golle frede is ek to lêzen
 
Yn de loaits fen Hetsje wêzen.
 
 
 
Do 't me kaem de oare dei
 
Foun men Hetsje dea.
 
‘Hearink, Hetsjemoi is wei!’
 
Sei men yn it gea.
 
Nei 't hja hjar nei 't hôf ta brochten
 
Wiern' er gjin, dy 't oan hjar tochten...
 
 
 
Mar dou libbest yn myn liet;
 
Libbest yn myn hert.
 
Garen stypje yn leed en striid,
 
Wier dyn hege wet!
 
Om dy selme tochst' it lêste;
 
Lieafde wier dy 't heechste en bêste!
 
 
 
Mannichien poft op syn jild;
 
Oaren op forstân;
 
Oaren siikje in hege steat,
 
Ynfloed yn it lân.
 
Hwêr binn', dy 't oan Hetsje lykje?...
 
Riken, learden, greaten - SIIKJE!

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken