Heidelbergse catechismus
(1563)–Caspar Olevianus, Zacharias Ursinus–
AuteursrechtvrijChristelicke onderrichtinghe, ghelijck die in kercken ende scholen der cheur vorstelicken Paltz, ghedreuen oft gheleert wort
[Folio 9r]
| |
Van den Ghelooue.ICk ghelooue in God-Vader, den Almachtighen, Schepper des Hemels, ende der Aerden. Ende in Jesum Christum, synen eengheboren Sone onsen Heere, Die ontfangen is van den heyligen Geest, geboren wt Maria de Joncfrouwe. Gheleden onder Poncio Pilato, ghecruyst, ghestoruen, ende begrauen, nederghedaelt ter Hellen, aen den derden dach weder opghestaen van den dooden, opgheuaren ten Hemel, sittet tot der rechter hant Godes des almachtighen Vaders. Van daer hy komen sal, te richten de leuendighen ende de dooden. Ick gelooue in den heyligen Geest, eene heylighe alghemeyne Christelicke Kercke. De ghemeynschap der Heylighen. Vergheuinghe der sonden. Verrysenisse des vleeschs. Ende dat eewich leuen. | |
Vraghe.Hoe worden dese Artikelen afghedeylt? | |
Antwoorde. | |
[Folio 9v]
| |
In drie deelen. Dat eerste is van God den Vader, ende onse scheppinge. Dat anderde, van God den Sone, ende onse verlossinghe. Dat derde, van God den Heylighen Gheest, ende onse heylighinghe. | |
Vraghe.Dewijle daer alleen een eenich Godlick wesen isGa naar margenoota: waerom noemt ghy dan drie, de Vader, Soon, ende heylighe Gheest? | |
Antwoorde.Daerom dat hem God also in zijn woordt gheopenbaert heeftGa naar margenootb, dat dese drie onderscheydelicke Persoonen, die eenige warachtighe eewighe God zijn. |