Spiegel historiael. Vijfde partie. Deel 2
(1931)–Lodewijk van Velthem–
Auteursrecht onbekend
[pagina 347]
| |
Hoe die stede hieten, die jegen den grave hadden geweest .xli.2920[regelnummer]
Die niemare liep achter lande,
Al waest der Fransoyse scande,
Dattie bloeme van haren rike
Lage verslagen vor Cortrike.
Die van Ypere daden slutenGa naar margenoot+
2925[regelnummer]
Haer porten, ende bleven in muten.
Sine dorsten in langen tiden
Niegeren gaen, no oec riden,
Om dattie Vlaminge waren ontbonden.
Die van Atr[e]cht oec onderwonden,Ga naar margenoot+
2930[regelnummer]
Ende die van Lens. Tote Amiens
Waren die porten wide ende gens
Besloten vaste, dat verstaet,
Ende al om der Vlaminge daet.
Hadden die Vlaminge vort geronnen,Ga naar margenoot+
2935[regelnummer]
Doen die wijch dus was verwonnen,
Daer ne waer niet .i. o[v]e[r] bleven,
En haddem aldaer op gegeven
Sonder stoet ende sonder slach.
Dit was op St. Benedictus dach.Ga naar margenoot+Ga naar voetnoot2939
2940[regelnummer]
Hi mach wel seegen gebenedijt,
Doen die leu verwan den strijt.
Hort wat God noch wreken sal.
Binnen Gent werd groet gescal
Op desen dach in die statGa naar margenoot+
2945[regelnummer]
Te velne der Lelien blat.
| |
[pagina 348]
| |
Daer waren in twee pertien:
Die ene en dorste niet wel lien
Datse metten grave was;
Si waren gewacht op elken pas.Ga naar margenoot+
2950[regelnummer]
Die Lilyarte hieten alle vri
Die Lyebarts vander quader pertie,
Ende waer datsi conden gemicken
Dattie Liebarde dorste kicken,
Dat wilsi wreken metten swaerde.Ga naar margenoot+
2955[regelnummer]
Selc volc waren die Liliarde.
In dOudenborch ende Overscelt,Ga naar voetnoot2956
Si hadden haer liede wel getelt,
Ga naar margenoot+ Hadsijt wel dorren volbringen,Ga naar voetnoot2958-2964
Si hadden gerne laten springenGa naar margenoot+
2960[regelnummer]
Omtrent den wolf entie contreie,
Ende tusscen der Scelt enter Leye,
Ghi weet wel waer ic wil wesen.
Men wilse metter hant uutlesen
Die den Liebart doe dwongen.Ga naar margenoot+
2965[regelnummer]
Hi hadde oec eer uutgesprongen,
En haddent somege liede niet gedaen,
Die daer achter straten gaen,
Niet om dat hen es vergeven,
Ende sijn metten grave bleven,Ga naar margenoot+
| |
[pagina 349]
| |
2970[regelnummer]
Alse mosschelvesch, .i. twint niet bet,Ga naar voetnoot2970
Ende houden hem an sgraven wet.
Des ander dages, vor vespertijt,Ga naar voetnoot2972
Alse verwonnen was die strijt,
Spranc die Liebart uter tralien,Ga naar margenoot+
2975[regelnummer]
Ende brac alle sine travaelgen
Binnen Gent, met groter cracht.
Men sach nie sulke jacht,
Selc getuut, ende selc geblas,
Alse doe binnen der stede was.Ga naar margenoot+
2980[regelnummer]
Men warp die Lilye onder voet
Ende sette den Liebart daer si stoet.
Aldus quam weder die Liebart vort
In die stede zuut ende nort,
Want sine dorstens laten nietGa naar margenoot+
2985[regelnummer]
Om den strijt die was gesciet.
|
|