Logo DBNL
Spiegel historiael. Vijfde partie. Deel 2 (1931)

Spiegel historiael. Vijfde partie. Deel 2

(1931)–Lodewijk van Velthem–rechtenstatus Auteursrecht onbekend

Vorige Volgende
tekstkritische noten

Van ere soch die honde ende verken droech .lv.

4075
Doemen .xiij. hondert jaer
 
Ende .iiij. screef openbaer,
 
So gesciede wonder groet
 
+ Te Zichenen binnen, dat ic albloet4078
 
Selve metten ogen an sach.
4080
Want ic woende op dien dach
 
Te Sicgene, ende sanc daer4081
 
Ende hadde daer onser Vrouwen outaer.
 
Van daer ic woende, niet verre van mi,
 
So dat hi mijn gebuer was bi,+
4085
Woende .i., die Arun Pickil hiet.
 
Daer een wonder nu es gesciet,
 
Also ic u sal doen verstaen.
 
Hi hadde een soch, die wilde gaen
 
Te bere, also alse zoge plegen.+
4090
Nu hadde dese man .i. hont daer jegen,
 
Enen bonten, ende oec groet mede,
 
Ende begonde te speelne ende dede
 
Metter zoch oft waer een beer,
 
Entie zoch verdroech haer zeer+
4095
Ende liet den hont met haer dit doen.
 
Dicke hebben si des geploen,
 
Dattie van den huus hebben gesien,
 
Ende si lietent also gescien,
 
Ende hadden haer spel ende haer buerde,+
4100
Dat dus die hont die soch voerde.
 
Ten lesten so lieten si dese dinc,
 
Ende die zoch vanden hont ontfinc,
 
So datsi van hem werd in drachten,
 
Ende [die] zoch also haer geachten+
4105
Gelijc dat zoge te dragen plien.
 
Ende alse die tijt quam van dien,
 
So bracht si .v. saken vort,
 
Daer wonder af te seegen word.
 
Want die worp die si werp ginder,+
4110
Daer vive was onder, mere ende minder,
 
Ward selsen tanesien sere.
 
Vore die muel was min no mere
 
Dan die selve hont gedaen,
 
Daer ic hier vore af dede verstaen,+
4115
Entie hals, toten rugge toe,
 
Geleec den hont wel alsoe,
 
Bede van gedane ende van hare
 
Gelekense den hont openbare.
 
Met ogen, met mulen, met nese, met horen+
4120
Ende oec die vorste voete voren
 
Waren gelijc den hont gedaen,
 
Ende geclaud occ, sonder waen,
 
Ende getant warense mede,
 
Gelijc nader honde sede,+
4125
Dit strecte toten rugge daer.
 
Ende achterwaerd, overwaer,
 
Dattie vorme, sonder waen,
 
+ Na dat die soch was [gedaen],
 
Geborstelt, gehart in scine+
4130
Alse .i. verken pleget te sine,
 
Ende den stert oec alsoe,
 
Ende sine achterste voete daertoe
 
Gescepen na der soch wise.
 
Dit vernamic ende ginc lise+
4135
Tote daer, om dit te siene.
 
Ende alsic quam te gesciene,
 
Stont dic man ende maecte houde
 
.i. gracht, daer hijt in graven soude,
 
Want hi hem sere scaemde des+
4140
Dat dit dus gevallen es,
 
Ende hi bat mi, dat ict [ver]hale.4141
 
Ende noyt sint, vander stont
 
Dat dit gesciede vanden hont,
 
Sone voer die man wel van goede,+
4145
Ende ginc hem af, met groten spoede,
 
Ende werd arm, ende hadde verdriet.
 
Wat hi dede en besloec hem niet.4147
 
Hine ginc ten lesten om sijn broet.
 
Ic waent God dede om sijn goet.+

Vorige Volgende