Cap. 5.
¶ Vand(er) starxst(er) optalme(n) of va(n) misselike(n) ziecheiden die va(n) optalme(n) comenGa naar voetnoot2).
Noch seggen some auctoren van vele quader ziecheiden in die ogen die van den optalmen porrende siin. alse diegene die qualike genesenGa naar margenoot+ siin. ende dat comt bi den dullen meesters die altoes doen der zeerheiden meer zeerheiden. bi dat si hem onderwinden vanden ogen ende sine weten niet wat si doen. ende daer bi so comt dien ogen toe dat si werden al wit. ende heffen uten oge putten ende uten ogeleden so dat die zie niet en siet. Waer bi dat ic segge datter geen bate an en es. want sine zien niet. no en sullen nemmermeer zien mogen. Ende oec siin sulke die hem so qualike wachten van etene ende van drinkene. so dat bi diere redenen bliven die ogen ewelike lopende. waerbi dat dus gedane comen tote uwer curen. so purgeert hem thooft
met deser medicinen. ¶ NemtGa naar margenoot+ polipodium esula. mirabolani. elx .1. Ʒ. mastic. cubeben. soffraen. spica nardi. neute van inde. canele elx .1. Ʒ. ende met melke van sicamore so maecter af pillen. endeGa naar margenoot+ geefter af den zieken jegen dat hi gedogen mach. dats te verstane nadat hi cracht heeft. Ende gevet smorgens ende savons. dyaolibanum. dwelke staet int .3. capittel vanden cataracten. Ende doet in doge pulver van nabeten. dwelke u wert geleert wat es. Ende vanden pulvere alexandriin. dat u oec wert gewijst wat es. Ende doet in doge tote dat si genesen es. Ende hout wel die dyëten alst u vorleert es. [dats watmen eten ende drincken zal altoes G].
Auteursrecht onbekend