Cyrurgie

Cap. 5.
¶ Van wey vlesche i(n) de(n) nese²⁾.⁺

Wey vleesch so doet wech metten pulvere dat geseit es int capittel vanden wannen. ende daerna geneest die stede met groenre zalven [veneris C] of metter .12. apostelen zalve. of metter zalven die es geseit daer voren int capittel vanden hooft wonden. Of metter witter zalven van rasis. dewelke⁺ gi sult hebben leringe hoe dat mense maect die goet es in allen steden daer hitte es. ende in allen vlagingen. entie maect aldus. ¶ Nemt olie van rosen .4. Ʒ nuwe was .½. Ʒ. wit van spaengiën dat cerusa heet .1. Ʒ. canfer .1. Ʒ. dwitte van .2. eyeren. Dus maket ierst so stampt .2. of .3. amandelen in een motaliin mortier die gepelt siin. ende alsi gestampt siin so werpet tpast en wech ende vaget den mortier ende dan so doeter in canfer. ende daerna so hebt ge-

2) C: Van weyen vleesch dat in der nesen wast; G: Vander veijen vleesche inden nese.

+ C 33b.

+ G 74b.

[p. 100]

smolten was metter oliën. ende minget al wel te hope met enen yseren mortier stocke. ende alst begint [te G] couden so doeter in dwitte van den eyeren. ende wrivet wel overeen. ende so gijt bat wrijft ⁺soet beter es. dits rasis witte salve Ende sulke meesters makense aldus. ¶ Si nemen vander cerusen. vander oliën. vanden canfre. vanden witten van den eyeren .6. Ʒ. van elken. ende si doenre in .3. Ʒ. van litargirum. ende makense alsoet vorseit es vander ander zalven te voren. Dese droget wel.

+ G 74c.