Cyrurgie

Cap. 7.
¶ Va(n) sta(n)ke i(n) de(n) nese⁵⁾.

Die stanc vanden nese also meester galieen seit comt van vervulten van humoren die dalen uten hoofde in die hoolkine⁶⁾ van⁺ den nese. ende daer clevende lange stont blivende ende werden daer stinkende bi verticheden diere fumeyen mitgaders der lucht van⁺ buten daer si mede minget bringet den stanc toe. Ende puusten die wassen oec in den nese bi scarp-

5) C: Van den stancke dat comt huter nesen ende dat daelt huter nesen. G: Vanden stancke ter nese.

6) G: hoeken

+ C 34b.

+ G 76a.

[p. 102]

heiden van humoren. Also doet polipus. ende wey vleesch wast oec in den nese bi vervulten van humoren. ende dese machmen alle kennen bi verscedenen tekenen. Ende den stanc vanden nese alsoet vorseit es bi dat deen nesegat es verstopt. ende onderwilen beide. ende onderwilen so lopen daerute gecorumperde humoren Ende die puusten kent men bider hitten die in den nese es. polipus so machmen zien dwelke es hart vleesch. ¶ Ende vanden stancke te genesene so es dit die raet datmen die humoren purgiere bi rade van enen vroeden ⁺fisisiin. Alse met yeralogodion. of met theodoricum anacardion. of met pillen van zelven gemaect. ierst die materie gedigereert [metter rechter digestiven. G] Gedaen die digestive so smeret thooft vanden zieken met oliën van oliven. of gerechte olie muskelijn gedaen in die nesegate. ierst geruumt met pillen van dyacastoreum geminct met warmen wine. ende daerna geeft hem aurea alexandrina met wine daer in gesoden es wit wierooc dat men heet olibastrum. ¶ Ende en vergaet de stanc niet aldus. so ruumt den nese met wortelen van gencianen. ende met oliën vorseit gesmeert

⁺ende also gesteken in den nese ⁺ende daerin gelaten die spacie van .2. uren of van .3. ende aldus mogedi den stanc uten nese trecken. ¶ Explicit. [Hier endt dye bouck⁺ vander nese ende beghint dye bouck vander mont metten tanden ende metter tonghen ende met al dat in den mont es. G]

+ G 76b.

+ B 131a.

+ C 34c.

+ G 76c.