Cyrurgie

Cap. 14.
¶ Va(n) g(ro)ten vlesce an ta(n)tvleesch alse spene(n)⁴⁾.

Het wast menechwerf groet vleesch an dat tantvleesch alse spenen. dat men moet uut sniden ende latent uut bloeden niet te vele⁵⁾. Ende daerna so legter op vanden iersten roden pulvere. Ende somwilen so en diedet niet dat ment uut snijt het en wast weder. waerbi ons oude meesters leren van surgiën. dat wi die stede souden bernen. ende dat bi crachte of het wast altoes weder.

4) C: Van overtullighen vleesche in den mont binnen. G: Vanden spenen ane tantvleesch binnen in den mont.

5) In G een schets van een mes.