Cap. 17.
¶ Vand(er) tijt datme(n) medicine geve(n) sal te vorsiene.
In die dageraet es men sculdech te gevene medicine. ende een hooftcleet in couden borne genet ende om den hals gewonden vaste. Ende enen stoet gemaect van linen cleden genet in aysine vore den crop gedaen vander kelen
Ga naar margenoot+onder thooftcleet. enen rouwen appel te hebbene in die hant daeran te bitene of men walget. cout water int anscijn te slane ende te werpene of te sparsene metten vinger. Te gebiedene den zieken dat hi hem warm houde. Ende niet en drinke. no nutte. no slape vor vespertijt of daerachter. ende dat hi hem houde in wandelingen buten lichte ende buten winde. Eist dat hi ter cameren gaet .7. werf of .10. hets gnouch. ¶ Daerna te gebiedene dingen te nuttene die versch siin. alse kiekene gesoden in borne met petercellen ende met saelgiën. of versch swinenvleesch. een candeel van wine of van biere jegen dien dat die hitte groet es in diere tijt. ende bi diere gelike hitte te verstane in sine orine Te etene broot ende botere. ende alle dingen die versch siin hem met te verscene niet te vele genut. ende te wachtene van te vele drancs. waerbi die leden van binnen verswaert mochten siin.
Auteursrecht onbekend