Cyrurgie

Van den stancke dat yrcus heet in de oxelen.

Nu soe willen wi leeren ende scriven van stancke der oxcelen datmen heet yrcus. Om dat te verdrivene daertoe selmen doen aldus. In dat erste men sel hem dat haer of sceren ende men se[l] die oxcelen wel wriven met goeden wine ende met rose water deen in dander ende met siedinghen van cassilen. ¶ Een ander. ¶ Nemt witten wiin wel ruckende ende daer in tempert een luttel muscus ofte amber gris ende daer mede besalvet de oxcelen savons alsmen slapen gaet. Jeghen zwellinge ende zweeringe der tanden. siedt in wine cuminum ende droge ghewreven fighen ende daer

⁺of maect eene plaster ende legghet warme op der stede.

+ C 62b.