Cyrurgie

Van den bloet zweere flegmon.

Flegmon dats die bloetzweer ende comt van groven bloede. Teekin van

hore dat is datsi root is maer⁺ niet bruun roet ghelijc herisipila. ¶ Noch soe verwoet het overmidts datsi in heeft meer verscheden van sinen ghetemperden bloede ende si wert oec groet ende ront alse eene stoc. ende alsi ghematurert es ende open daer comt bloet hute ende wit ettere ende hine brect niet gherne maer hi werpt gherne vele gaten ende eenighe lieden heetent allers ofte .iiij. oeghen ende om dese aposteme te sachtene selmen bloet laten ter aderen die ten leden dient daer die aposteme staet Ende alsmen se wille hute doen brecken dan salmen der op legghen mittigativen. ende doen alsoet jou vorleert es in die aposteme herissipila ende die cuere van erissipila. ende van den aposteme flegmon dat werc es al eens.

+ C 67a.