Cyrurgie

Leeringhe des ypermans.

Ic meester jan yperman sel jou leeren van den rugghen been ghewont ende dat die wonde doer gaen ende dat march es ghewont daer of es de siecke in vreese

[p. 195]

van stervene ende die quetsinge van nucha commende van den hersinen omme den groeten pine wille maer het mach wel alsoe gescien sonder quetsinghe van nucha. maer die quetsinge van den senuwen daer hute commende ende prikende des langaovis(?) ende geluwede die daer ghestrect

⁺leit ane beide de siden van den rugghebeene Ende is die wonde dwers ghesneden dat is doodelic omme dat eydel der hersinen daer die nucha hute vloit. Die cuere der of es alse in cueren van anderen wonden van den senuwen die doere dat been ghewont siin ende dat vindi staende hier voren ghescreven int cappitele der of.

+ C 68a.