Vander apoplexia
Apoplexia es ene ziecheit derwelker humoren bestoppen al die substancie van den herssenen. bi den welken die dese ziecheit heeft verliest al siin beseffen ende siin roeren van sinen leden en al siin verstennisse. ende dien dese siecheit comt toe die steruen ende dat cortelike sonder lange quelen. Waerbi dat ypocras seit. Geneest die grote apoplexia. dats onmogelijc. want dese ziecheit bestopt so die herssenen die de setelen siin van der zielen. waerbi die ziele moet versceden vten lichame om dat si niet en mach comen te harer rechter stede nochtan es hare rechte stede die herte. want dats .1. let daersi ierst in comt ende lesten vte gaet ¶ Die minste apoplexia es litargie. maer si geneest menechwerf Nochtan al sire in liggen so en verstaen si menechwerf niet wat men hen toe sprect Ende genesen si. sine weten niet hoe hen te moede was al sire in waren...
Auteursrechtelijk beschermd