Poëmata

[p. 251]

Ad. D. Mariam Magdalenam de eius lacrymis.

MAgdala dum tristi vitiorum compede vincta

Soluendam Domini te iacis ante pedes;

Dumq́ue tui defles suspensi fata Magistri

Anxia desertis in tumuli foribus.

Quam dulces fundis lacrymas, quam nobile flumen

Nascitur ex oculi diuite fonte tui.

Pactolus tali se vellet origine nasci.

Vellet & auriferi nobilis vnda Tagi.

Illi etenim solum voluunt sub fluctibus aurum,

At fluit ex oculis plurima gemma tuis.