Ende die
liede van nubien sijn kerstene, mer si sijn also swert als enighe haghebesye om
die grote hitte vander sonnen, die in dat lant is. Jn egipten sijn v
prouincien, die eerste heet men sahic, dander demefre, die derde resich, die in
een eylant staet vander riuieren van nil, die vierde alexandre, die vijfte
tlant van damietten. Damietten plach te sijn een harde sterc lant ende stat,
mer si heeft twee werue ghewonnen gheweest vanden kerstenen. Ende daer omme so
worpen die sarrasinen namaels die muren vander stat ter neder ende alle die
stercheden, die daer in waren ende maecten een ander stat vorder vander zee,
die si heeten die nuwe damietten, so dat niement en woont in die oude damiette.
Daer is een
vorige
