By lomori zuutwaert leyt dat conincryck datmen hyet
symbor.
By desen eylande lamoriten voorseit su\denenwaert is een ander
eylant, dat men heet symobor, dat is een groot eylant. Ende die coninc van
desen eylande is harde machtich ende die liede van desen eylande doen hem int
aensichte tekenen mit enen heten yser mids groter edelheit, manne ende wiue,
omme ghekent te sine onder dander lieden, want si houden hem voor vele edelre
ende waerdigher dan dander volc daer omtrent. Want altoos hebben si oorloghe
ieghen die liede, die altoos naect gaen, daer jc v hier voren of seyde. Ende
vorige
