Album Joannis Rotarii (Johan Radermacher)


auteur: Johan Radermacher (de Oude)


bron: Album Joannis Rotarii (Johan Radermacher). (handschrift 2465 van de Centrale Bibliotheek van de Rijksuniversiteit te Gent.)  


verantwoording

inhoudsopgave

doorzoek de hele tekst


downloads

© 2002 dbnl / K. Bostoen, C.A. Binnerts-Kluyver, C.J.E.J. Hattink en A.M. van Lynden-de Bruïne  


DBNL vignet
[fol. 126r] origineel

[78. Anoniem, Epigram op het devies van Charles, Kardinaal van Lotharingen, ‘Te Stante Virebo’.]

In Caro. Loth: Card: Symbolum TE STANTE VIREBO

1



illustratie

 
Pyramidis donec regalis machina staret
 
Dicebas hederam posse virere tuam
 
Nimirum ridens dixisti Carole verum
5
Namque hederam superas ambitione tuam
 
Dicebas fateor Regi te stante virebo
 
Sed tibi non tantum cura virere fuit
 
Quippe tua fueras hedera distortior, utque
 
flexibilis tibi mens, sic tibi lingua duplex
10
Cardine nam tua lis non vertebatur in isto
 
Nec fuit hic [-scopus] voti propositique scopus
 
At te maiorum stimulavit dira cupido
 
Dum petis aucupiis ulteriora tuis
 
Parva rapina equidem vastos non implet hiatus
15
Nec quae praeda cani, convenit illa lupo
 
Tu primum ut Regi ceu firmo haerescere muro
 
Coepisti; augusti corporis umbra levis
 
Ipse tuis hederis mox ambitiosior, altè
 
Prosiliens omni brachia parte seris
20
Et tibi versuta nectenti fraude corymbos
 
Serpere paulatim longius ardor erat
 
Scilicet, ut, tua cum, successu temporis esset
 
Viribus et foliis arbor adaucta satis
 
Crescenti posses tenebras inducere Lunae
25
Implendumque orbem perdere fronde tua
 
Pyramidisque [-sua] suo spectandam pondere molem
 
Obruere, atque hederas exeruisse tuas
 
Hoc verum nimis esse statim post funera Regis
 
Cladibus experta est gallia tota suis
30
Sed tua cum fuerit tantorum causa malorum
 
Ambitio et sceptri Carole pravus amor
 
Dixisti merito Regi te stante virebo
 
Cuius post casum regna superba petis
 
ανακεϕαλαιωσις
35
Ambitiosus et obliquus cum Carole semper
 
Extiteris, hederam convenienter habes