¶ Dat xlviij. capitel. Hoe hertoge reinout die outste boeder van Gelre wert geuangen van sinen ioncsten broeder Ende hoe die oorloge began tusschen de Brabanders ende die Gheldersche
DJe hertoge van Gelre Reinout die hadt van sijn eerste wijff twee dochteren. doutste gaf hi den graue van Cleue daer si geen kinder af en creech ende na die doot troude si den graue van Bloys. Die ioncste dochter van Reynout voorscreuen nam te wijue graue Willem van Gulic ende wert namaels ghemaect marcgraue, dese wan aen sijn wijf een sone die ooc Willem heet Hertoge Reynouts ander vrouwe was sconincs dochter van engelant [suster] vanden derden Eduwaert Aen dese vrou wan hertoge reynout twee sonen ende niet meer. Die outste heet Reynout die na sinen vader troude vrou Marie van Brabant hertoge Jans dochter vrou Jannen suster, dat lant van Gelre een wijltijts met ruste regerende, hoe wel nochtan dat enige seyden dat bat toebehoorde der outster dochter vanden voorscreuen ouden Reynout geboren van sijnen eersten wijue die den graue van Bloys ghetrout hadde. etcetera.
¶ Jn desen tide was binnen den lande van Gelre grote tweedracht van tweerhande partijen, deen heten Bronchorsteren, ende dander heeckerlinge die malcander seer hateden, mer hertoge Reinout doe regerende verhief die heeckerlingen Waer af die Bronchorsteren niet wel te vreden en waren ende claechdent sijn broeder Eduwaert die met groter machte tegen sinen broeder Reynout quam te velde tegen die Heeckerlinge, daer Reynout geuangen wert ende die Heeckerlinge hadden die nederlage
¶ Als vrou Marie haren heere gheuangen wiste so claechde sijt hair sustere vrou Janne van Brabant tgheene datter gheschiet was. Dies hertoghe