Commentaar op het Hooglied

(1975)–Anoniem Commentaar op het Hooglied– rechtenstatus


XX Hoe die bruut onsculdiget Hare Bouthelt DOe die bruut had hair zinne Gheopenbairt uan rechter minne
[Folio B35vb]
Die si ten brudegom droech Thant wan si alhair gheuoech 5[regelnummer] Van allen des begheerde hair zin Want hair quam grote soetheit in Ende si ontsoef een roeren binnen Als of hair brudegom sprake van min[nen] ¶ O lieue du begheers uan mi 10[regelnummer] Dat ic emmer cusse di Wat heuestu nv uan mi vernomen Dat ic om cussen ti moet comen Men mach di dit ter boutheit Tien dattu so ghereit 15[regelnummer] Ende so scier gheues tenen man Dien du doch nie saghes an Dit mach men merken wel te scame Enter reinre minnen blame Want rechte minne ende fijn 20[regelnummer] Sal ghestade ende scamel sijn ¶ Want die bruut dit heeft vernomen Dat hair brudegom is comen Ontsculdicht si hair mitter vaert Ende scamet hair dat gheopenbaert 25[regelnummer] Is hair suete vreuelheit Dair om antwoorde si ghereit Of si sprake miin domme sin Gaf mi dat uan minnen in Want ic diin cussen sere beghare 30[regelnummer] Ende dat en si di niet ommare Dair toe mi dine minne dwinghet Die mi grote soetheit bringhet Want dine bursten beter siin Altoes dan enig[he]rhande wijn 35[regelnummer] Dit spreket of si segghen woude O vrient ic weet wel dat ic soude Mi te rechte hebben vermeden Van so vreueliker dompheden Mer die soetheit dijnre borsten 40[regelnummer] Doet mi so uan minnen dorsten Na dinen cussen dat ic en mach Dair of mi tien nacht no dach
[Folio B6ra]
En ties niet mijnre vreuelheit Want ic doet bider minnen heit 45[regelnummer] Want dine borsten suete sijn Ende si mi bouen alle wiin Lauen ende suetheit gheuen Dat ic in di so bin becleuen Van minnen dat ic niet en merke 50[regelnummer] Dan hoe ic mi in di ghewerke

Vorige Volgende

XX Hoe die bruut onsculdiget