Commentaar op het Hooglied

(1975)–Anoniem Commentaar op het Hooglied– rechtenstatus


XXI Vandes brudegoms borsten In desen woirden sulwi proeuen Verstandenisse die wi wel behoeuen Die borsten die onse here draghet Dair ons die scrift hier of ghewaghet 5[regelnummer] Twee pointen inder godheit siin Die lauenisse bouen alle wijn Den mensche scinken ende gheuen Die inder kerstenhede leuen ¶ Teerste is dat god den sondair 10[regelnummer] Langhe spaert in sonden swaer Wi sien dicken mit onsen oghen Als wi dair na willen poghen Dattie mensche heeft gode begheuen Ende leet in sonden siin leuen 15[regelnummer] Sulc in stelen ende in rouen Ende in groter onghelouen Sulc in menighen quaden ghewinne Der rijcheit sulc in vulre minne Menigen dach ende langhe tijt 20[regelnummer] Nochtan dat god mit hem lijt Als die gherne siet dat keren Dit wil ons die prophete leren Ic en wil niet dat doot si Die sondair. mer dat hi hem te mi 25[regelnummer] Bekere ende hi bliue leuen ¶ Sinte paulus heeft oec bescreuen En weetstu niet dat gods goetheit Di verduldelike beit Om dat si wille leden di 30[regelnummer] Te betren ende maken vri Mensche merke dese borste wel
[Folio B6rb]
Ende wes di seluen niet so fel Dattu iet soekes te uergheues Mer die wile dattu leues 35[regelnummer] Beter di ende nem ghenade Ende com te gode al ist spade Nochtan moghestu wel ghenesen Ende en twiuele niet uan desen Dese borst is beter dan wijn 40[regelnummer] Hier of spreket sinte augustijn Rechte rouwe is niet te spade Des si is in waren rade Merke ooc wat is dese wiin Die argher dan dese borsten sijn 45[regelnummer] Dat is der prelaten scelden Ende openbair der sonden melden Die gheliken den wijn ghenoech Want der sonden ongheuoech Bijt si mit harer scerpheit vut 50[regelnummer] Ende gheuet der sielen oec saluut Dair om is beter gods verdult Dan berispinghe uander scult Des die sondair wel betide Weder comt an gods side 55[regelnummer] ¶ Dander borste is oec soete Die ons gheuet der sonden boete Want bi hair moet wi ontfaen Ghenade van dat wi misdaen Hebben des ons ganse rouwe 60[regelnummer] Weder bringhet te gode mit trouwe Hier of gheeft ons die scrift oirconde Ende spreket dus in welke stonde Die sondair sucht om sine sonden Dier ghedinket ic in gheenre stonden 65[regelnummer] Van deser borsten dat suete soc Verdriuet alre sonden ioc Merke dat dese borst ooc is Beter dan wiin al ghewis Hier te voren in ouden tiden 70[regelnummer] Doe die luden in allen ziden Leueden na hairs selues wille
[Folio B6va]
Doe sweech die oude ewe niet stille Mer elken mensche si gheboot Die onder hare was cleen of groot 75[regelnummer] Dat elkerlijc sine misdaet Beteren soude na haren staet Wie der misdaet soude ghenesen Dat moeste bider ewe wesen Lijf uoir lijf hant uoir hant 80[regelnummer] Oghe uoir oghe tant voir tant Vrient te minnen viant haten Misdaet in allen wraken saten Dit was die wiin die douwe ewe dranc Dair menich bi wort so cranc 85[regelnummer] Dat hi eer dat lijf begaf Eer hi der misdaet quam af Dair om moet gods borste wesen Beter dair wi bi ghenesen Ende weder comen in ghenaden 90[regelnummer] Dan die wiin uan ouden staden Mensche en hebdes nemmer wonder Dat cristus borsten al besonder Beter siin dan enich wiin Want si uol ghenaden siin 95[regelnummer] ¶ Biden wine sulwi merken Wrake uan duechdelike werken Merke in di seluen ende ghif oirdeel Welc dinct di siin dat beter heel Of god thant die sonden wreket 100[regelnummer] Als die mensche mit sonden breket Of dat hi vriendelike beit Tot dat hi ter boeten wart ghereit Entie mensche die sonden of staet Dinket di niet siin beter raet 105[regelnummer] Dat god die sonden thant vergheuet Of die mensche dair rouwe of heuet Dan dat hi so uaste die sonde Hilde dat hi in gheenre stonde Dair of emmer mocht ghenesen 110[regelnummer] Wie soude dan behouden wesen Of die wrake thant moste volghen
[Folio B6vb]
Als god op ons wart verbolghen Ende dair om volghet hier na wale Inder lettren dese tale 115[regelnummer] Si ruken beide in allen thaluen Flagrancia vngentis optimis iij ¶ Vander alre bester saluen Wat gheuet ter werelt betren rooc Ende bequameliker ooc 120[regelnummer] Dan te beiden ende te wachten Of die mensche gods wil achten Als hi hem seluen wel besiet Ende uan sondelijc verdriet Ende als hi wil te boeten comen 125[regelnummer] Dat hi uan gode dan wart genomen In ghenaden ende hem vergheuen Wart siin sondelike sneuen Dese borsten gheuen roke wide Tallen steden in allen tide 130[regelnummer] Want dits ouer al ghemene Den mensche verbairt groot ende clene Noch sulwi anderwarf verstaen Twee borsten die cristus heuet aen Die soetheit so groot draghen 135[regelnummer] Dat si verdriuen alle plaghen Dits tweerhande ontfermicheit Die altoes is in hem bereit ¶ Dat ene is dat hi mit al sire cracht Ons heuet uerlost uan sduuels macht 140[regelnummer] Hier of doet ons die scrift verstaen Ende bringet dese woirden aen Louet ghi hemel ende airde verblijt God troest siin uolc talre tijt Ende sal ontfermen sijnre armen 145[regelnummer] Die op hem roepen ende karmen Dander borst die cristus heuet Die so grote suetheit gheuet Is dat hi ontfermelike Gheuet dat leuen ewelike 150[regelnummer] Hier of is ons oec ghegheuen Orconde ende aldus ghescreuen
[Folio W6ra]
Sine sullen niet meer hongherich sijn Noch uan dorste liden piin Ende ghene sonde salse claen 155[regelnummer] Ende alle noot sal uan hem gaen Want hair ontfermer sal berichten Ende salse leden sonder plichten Toten water der ghenaden Dair hise emmermeer sal saden 160[regelnummer] ¶ Merke reine bruut du kerstenheit Ende du salighe siele ghereit Hoe suete des brudegoms borsten sijn Wair was ye sulc dranc of wijn Die so suete smaec ye gauen 165[regelnummer] Dat si so suetelike mochten lauen Doe die mensche ter sielen was doot Ende langhe tijt in groter noot Ende men dranc den wijn der scricht Des ouden een in zware plicht 170[regelnummer] Die wiin en voede die siele niet Men scouwede al des liues verdriet Ende dienden om wairliken loon Dit was al bi des duuels hoon Diese so uaste hadde beseten 175[regelnummer] Dat si hadden meest vergheten Tleuen dat ewelike sal staen In deser dolinghe moesten si gaen Tot anden tiit dat cristus quam Ende menscheit an marien nam 180[regelnummer] Ende toonde ons die luchter borste Inden nodeliken dorste Want den douen gaf hi horen Den blinden sien enten verloren Brochte hi weder an sine stede 185[regelnummer] Hi dede dode verrisen mede Hi leerde hem wech ter salicheit Ter doget was hi altoes bereit Ten lesten liet hi hem vanghen Ende iammerlike ant cruce hangen 190[regelnummer] Dair hi ontfinc die bitter doot Ende uerloste vter noot
[Folio W6rb]
Die menscheit die so langhe in dole Gheleghen hadde in sduuels scole Ende so uele dair in gheleert 195[regelnummer] Dat hi them al was ghekeert Merke dese borst lieue bruut Hoe ontfermelijc gaf vut Ende nochtan alle daghe gheuet Soetheit dair die mensche bi leuet 200[regelnummer] Besie dit ende merke wel Wiltu ewelike leuen Ende voeghe di te sire minnen Merke voort mit scerpen sinnen Hoe hi siin rechter borst di toont 205[regelnummer] Dair hi di niet mede hoont Want siet men di in sonden sneuen Dair weder is di boete ghegheuen Siin sacrament heuestu ontfaen Sine lere wart di op ghedaen 210[regelnummer] Hi raet hi troest ende hi ontfaet Hi uergheuet di dine misdaet Hi voet di mit sinen lichame Hi hoet di uan des duuels rame Wat di ter salicheit mach temen 215[regelnummer] Dat moetstu altoes uan hem nemen Des dine begheringhe dair in staet Dattu uolghes sinen raet Nochtan heuet hi di bereit Also grote salicheit 220[regelnummer] Dat alle tongen dair in lamen Te uolspreken dair of te samen Alle herten des ontsien Dat si uolcomelike dat spien Geen horen cant wel verstaen 225[regelnummer] Wat die mensche sal ontfaen Na desen leuen. dat di bereit Sal siin van ontfermicheit Hier om was si wel beraden Die kerstenheit die van ghenaden 230[regelnummer] Gods: prijsde bouen wiin Die soetheit der borsten sijn
[Folio W6va]
Want si salighe lucht op luken Die bouen alle salue ruken Dit spreket dat hair soetheit 235[regelnummer] Ouer al is ghebreit Ende dat geen wiin is so goet Die ter salicheden spoet Ghelike dese borsten gheuet Want elc salighe dair bi leuet

Vorige Volgende

XXI Vandes brudegoms borsten