Commentaar op het Hooglied

(1975)–Anoniem Commentaar op het Hooglied– rechtenstatus


XXIJ Van den leden der heiligher kerstenheden NOch moet wi ene glose verstaen Die bequame is sonder waen Die kerstenheit is een lichame Des cristus is een hooft bequame 5[regelnummer] Want watmen siet uan kerstenheit Dair wart cristus in gheleit Die kerstenheit heeft wel bi reden Na die werken uele leden ¶ Sulc siin gheheten oghen 10[regelnummer] Die nauwe merken ende poghen Om die wairheit die si wisten Als apostolen ende ewangelisten Ende wat ter salicheit behoort Sulc siin mont ende gheuen woort 15[regelnummer] Van goeder lere ende uan rade Als goede papen in haren grade ¶ Sulc siin oren die vernemen Watter hoersamicheit wel sal temen Als die hem seluen al begheuen 20[regelnummer] Om dat ewelike leuen Entie bescermen die heilighe kerke Ende doen der caritate werke In aelmoese ende in anderen dÜechde Dair men die arme mede verhÜechde 25[regelnummer] Dat siin die hande sonder waen Die den duuel hier verslaen ¶ Die voeten siin die gaen ende lopen Dair men themelrijc sal copen Om die nootdorstighe te helpen 30[regelnummer] Ende der armer commer te stelpen
[Folio W6vb]
Hier of siin oec wel prelaten Vader moeder in caritaten Want si die gods kinder winnen Die si mit herten sullen minnen 35[regelnummer] Want si moeten uaderlike Al voir sorghen ghemeenlike Der kerstenheit siin si vadre Wel ghenoomt alle gadre Si moghen wel heten moedre 40[regelnummer] Want si sijn in gode voedere Alder heiligher kerken kinder Mit lere meerre ende minder Die si hier te gode bringhen In alle dÜechdelike dinghen 45[regelnummer] Als sinte paulus leert ghewis Hoe elc prelaet die moeder is Inder heiligher kerstenheit Want hi dus uan hem seluen seit ¶ Mine kinder die ic anderwerue 50[regelnummer] Ghebair in salicheit bederue Tot cristus wart in v gheuormet Dair bi die duuel wart verstormet Die moeder dragen wel die borsten Dair si die kerstenheit in dorsten 55[regelnummer] Mede lauen ende voeden Si moeten se wel nauwe hoeden Voir al hair miscomen Dus sullen die prelaten gomen Der kinder uander kerstenheit 60[regelnummer] Des sullen hem siin altoes bereit Twee borsten die uol sullen siin Altoes uan sÜeter minnen fijn Prelaten salmen die al heten Die alre ouerst siin gheseten 65[regelnummer] Paeus. patriarke. cardinale Bisscopen proeste altemale Abten deken priesters mede Die curen hebben in elke stede Dese sullen hebben suete borsten 70[regelnummer] Dair si der kerken kinder in dorsten
[Folio W7ra]
Mede lauen ende voeden Ende altoes uoir den duuel hoeden ¶ Des spreket die brudegom al hier Als of hi der bruut antwoirde scier 75[regelnummer] Van mi begheerste te sine ghecust Ontsich di niet na dinen lust Sal di ghescien want ic doet gherne Ende desen staet mi niet tontberne Want dine borsten beter sijn 80[regelnummer] Dan alle dranc of enich wijn ¶ Dat spreket alle dine prelaten Die hem na rechte in di zaten Altoes twee zoete borsten dragen Dair si mede al sonder claghen 85[regelnummer] Soeken die siin so soete voir mi Dat ic bin ghereet te di Te cussen om hair soeticheit Die dair of comet ter wairheit ¶ Dese twee borsten moeten wesen 90[regelnummer] Twee minnen dair wi bi ghenesen Van sonden ende uan onghemake Die rieken bouen alre sake ¶ Dats gode bouen al te minnen Van alre cracht ende van zinnen 95[regelnummer] Ende dair toe onsen euenkersten Gheliic ons minnen sonder versten Dese twe borsten voedent al Dat hier leuet groot ende smal Salichlike inder kerstenheit 100[regelnummer] Alle voetsel hier in leit Want alle duechden sijn ombequame Voir gode sonder minnen name Die wijn die so goet niet is Als dese borsten des sijt ghewis 105[regelnummer] Alle wereltlike lust Die den mensche gheeft selden rust Want so die mensche meer wiins drinct So hem vleeschelike lust meer dwinct Mer die twee minnen ghebode 110[regelnummer] Leden ons vut alre node
[Folio W7rb]
Die prelaten sullen gheuen Salighe lere ten goeden leuen Dair mede goet troest ende raet Ende berespinghe uan misdaet 115[regelnummer] Ende dair bi in salicheit Sal hare name siin ghebreit Dat si goede roke gheuen Ouer al uan goeden leuen Dan rieken si uander bester saluen 120[regelnummer] Onder tuolc in allen thaluen

Vorige Volgende

XXIJ Van den leden der heiligher kerstenheden