Commentaar op het Hooglied

(1975)–Anoniem Commentaar op het Hooglied– rechtenstatus


XXIII Van den saluen der salicheit Drie saluen sal die mensche maken Gode in bequamer saken Deerste salue hoort ten voeten Dair wi mede moeten boeten 5[regelnummer] Al onse sondelike daden Ende vinden voir gode ghenade ¶ Wi sullen gaen al onghespairt In onser consciencien gaert Ende lesen crude der bitterheit 10[regelnummer] Die ons uan sonden siin bereit ¶ Wi sullen proeuen ende merken Van onsen leuen al die werken Die wi ie tenighen stonden Daden in die seuen hooft sonden 15[regelnummer] Ende al dat wi mit onsen zinnen Misdeden buten ende binnen Ende hoe wi ieghen rechte gheloue Ye vielen indes duuels cloue Ende wat wi inden .x. gheboden 20[regelnummer] Ye versumeden in enighe noden Of inden werken der caritaten Des sulwi ons ghedenken laten Ende sullen si in des rouwen steen Ontwee stoten al ghemeen 25[regelnummer] Ende doen si dair na alte samen Inden pot der groter scamen Ende menghen honich al dair mede Der godliker ontfermichede Ende smout uan rechter minnen
[Folio W7va]
30[regelnummer] Ende settent dan in allen sinnen Inder vurigher innicheit So wart ene goede salue ghereit Dair mede salmen die voeten saluen Ons heren gods in allent haluen 35[regelnummer] ¶ Merket marien magdalene Hoe clair si wart ende hoe rene Hoe si dese salue goet Op gods voeten die so groot Roke gaf die thuus alduer 40[regelnummer] Wart veruult uan sÜeten gÜer Dese salue noch sueter smaect Hair roke is ouer al gheraect So wide als die werelt is Des is niement onghewis 45[regelnummer] Wie is nv in kerstenheit Die sin heuet ter salicheit Ende dese roke niet en ruket Die men uan deser salue suket ¶ Noch heeft ene salue vorder goor 50[regelnummer] Si ruket inder enghelen choor Penitencie is hare name Den enghelen is si bequame Dat ewangelie ons dus seit Ic segt v allen mit wairheit 55[regelnummer] Dat inden bliscap meer Denglen hebben dat hem bekeer Die sondair dan .iij. warf xxx. Ende neghen die niet smertich Vanden sonden wesen doruen 60[regelnummer] Want si ghene sonde hebben uerworuen Merke hoe dese salue ruket Als si hair te rechte op luket Dese salue gheuet ons boete Als wi saluen die gods voete 65[regelnummer] ¶ Ter ander salue wilwi raken Entie wel wiselike maken Want dair hoort gods wijsheit toe Dat mense wel make ende hoe Si goet wart. dat onse ghewin
[Folio W7vb]
70[regelnummer] Dair of ter salicheit come in Ende dat wi sonder twiuel wale Voir gode ruken altemale Ende wi warden gode bequame Ende sinen heilighen sonder blame 75[regelnummer] Dander salue salmen maken Vanden alre besten saken Die men vint entie sijn moghen Wi sullen herde nauwe poghen Ende gaen inder naturen hof 80[regelnummer] Ende nemen merkelike dair of Wat was. wat is ende wat sal wesen Dair sulwi kennisse recht of lesen Ende hoet uan gode is al ghemaket Ende in wijsheit wel ghesaket 85[regelnummer] Ende hoet bi hem al staende bliuet Ende wat gods doget al bedriuet Wi sullen ooc ter menscheit gaen Ende merkelijc dair of verstaen Hoe si uan gode is verloost 90[regelnummer] Ende gheset in groten troost Al om proeuen ende merken Onser salicheit werken Ende ouersien die weldade Die ons god heuet om ghenade 95[regelnummer] Ghedaen ende wat hi heuet gegeuen Salichlike in onse leuen Sone vinden wi niet dan alle doget Die ons rikelijc heuet verhoghet Dese crude salmen lesen 100[regelnummer] Ende louen gode al in desen Ende salse werpen in den steen Der verhoochnisse ouer een Ende oli der bliscap dair toe menghen Ende dair na inden vÜere brenghen 105[regelnummer] Der begaerten die bernen sal In gods minne ouer al So comt dair of die goede salue Datmen gode in allen thalue Louen sal ende benedien
[Folio B7ra]
110[regelnummer] Ende in sine minne lien Dit wil ons ooc wel dauid leren Offer des loues sal in eren Verhoechnisse alre weldaet Gods dair siin lof vut gaet 115[regelnummer] Dats ene salue des god ghelouet Die behoort wel an dat houet Dat cristus is der kerstenheit Die sal emmer lof siin breit Dese salue voir gode ruket 120[regelnummer] Harde soete als mense opluket Mer die arm siin uan zinnen Ende onghestade in rechter minnen Ende mit der werelt al verladen Ende konnen hem dair toe niet ghestaden 125[regelnummer] Dat si dese salue uolmaken Ende uolbringhen in rechten saken ¶ Mer die ghene die siin snel Te gods dienste ende merken wel Die grote gauen die ons god 130[regelnummer] Ghegeuen heuet ende sonder spod Wel grote dinghe door ons gedaen Die moghen in gods loue gaen Ende eren ende danken hin Die alles goets een beghin 135[regelnummer] Deerste salue die is goet. ¶ Mer dese is beter talre spoet Ende want elkermallic niet Te rechte proeuet ende besiet Gods gauen sonderlinghen 140[regelnummer] Ende sine werke in alle dingen Nochtan sulwi twee dingen proeuen Die wi ter salicheit behoeuen Dair wi dese salue of maken Mer niet uan so diere saken 145[regelnummer] Of wi alle dingen conden Sonderlinghe elc ondergronden Dat god inder naturen houe Heuet geplant te sinen loue Merke wi dan twe pointen goet
[Folio B7rb]
150[regelnummer] Die ons herte zin ende moet In gods loue verheffen wel So dat hem elc mensche billic sel Minnen louen ende danken In alle tiden sonder wanken 155[regelnummer] Dat siin onser verlossenisse Twe manieren al ghewisse Hoe hi ons verlost heuet Ende wat hi vruchts ons dair in gheuet ¶ Onser verlossenisse manire 160[regelnummer] Die is te merken altoes hiere Hoe hi mensche wart ende ons quam In onsen vleesche dat hi an nam Ende dat hi in alle dinc dulde Dattie nature gaf uan sculde 165[regelnummer] Sonder allene die vlecke van sonden Die wart an hem nie gheuonden Hongher dorst hitte coude Menschelike crancheit menichfoude Ten lesten die bitter doot 170[regelnummer] Dair mede halp hi ons vter noot Sine verrisenisse sijn op uaren Ende te gheuen sonder sparen Sinen gheest dair ons quam ane Des ghelouen rechte lane 175[regelnummer] Dits der verlossenisse maniere Nv merke wi die vrucht ooc sciere Dats dat wi die al verloren Waren. weder siin vercoren Ende siin bi sire doot ghenesen 180[regelnummer] Wie is dan of wie mach wesen Die hier of ghene salue maket Want hier of wart si wel gheraket Louen wi ende danken gode Ende houden vaste sine ghebode 185[regelnummer] Ende bliuen in sine minne ghestade So veruult ons sine ghenade Dese salue heet god lof Ende comet vtes hemels hof Want die crude sijn dair ghelesen
[Folio B7va]
190[regelnummer] Die ter saluen moeten wesen ¶ Dese twe saluen laten wi staen Ende sullen ter derder gaen Diemen maect uan crancken crude Dats uan nootdorftighen lude 195[regelnummer] Die salue hiet ontfermicheit In deser saluen uele crachten leit Si is die beste uanden drien Als men die wairheit al sal sien Gans inden hof der kerstenheit 200[regelnummer] Sich al omme wide ende breit Ende merke wie yet commers heuet Ende wie armelike leuet Ende wie mit noden is beuaen Dien saltu te helpen staen 205[regelnummer] Soec al omme die arme crude Dat siin die nootdorftighe lude Ende betre hem al hair misquame Oftu moghes in gods name Ende in ware minne werke 210[regelnummer] Gans sich al omme ende merke Voet den hongherighe ende laue Den dorstighen den doden graue Den zieken vande. enten ghebonden Help ende troest tallen stonden 215[regelnummer] Diin herberghe si den armen open Ghif den naecten dat hi soude copen Om siin armoede dijn ghewant Die di misdoet verghif te hant Lere die dwase. sture die quade 220[regelnummer] Help die in node siin verladen Den droeuen troest den goeden sterke Doch der ontfermicheden werke Ende menctse wel mitter gods minnen Want anders mach die salue niet winnen 225[regelnummer] Cracht ende roke der salicheit Dair mede sal di siin bereit Ende des arbeits sueticheit Dese salue sonder waen Is uan gode wel ontfaen
[Folio B7vb]
230[regelnummer] Dese brochten drie marien Doe si sochten ihesum den vrien Die uander doot was op gestaen Mer dese salue quam hem niet aen Ende sine wart ooc niet verquist 235[regelnummer] Dat quam bi siinre minnen list Om dat si bliuen soude gheheel Ende comen wel te deel Sinen armen dies behoeuen Mensche hier saltu proeuen 240[regelnummer] Dat god die salue doe spairde Dat hi di dair mede bewairde Ende woude se dattu se alle daghe Gaues den ghenen die in claghe Ende in node hier moeten wesen 245[regelnummer] Dits die salue dair wi of lesen Die dalre beste is emmer Hier of laten die borsten nemmer Der kerstenheit den rueke bequame Die si spreken in gods name 250[regelnummer] ¶ Mit dude hebdi wel vernomen Merc die woirde die hier nacomen Ghestort oli is dine name Oleum effusum nomen tuum iiij Merct hoe recht dit is bequame 255[regelnummer] Na den rueke die sachticheit Die altoes in gods minne leit

Vorige Volgende

XXIII Van den saluen der salicheit