Commentaar op het Hooglied

(1975)–Anoniem Commentaar op het Hooglied– rechtenstatus


CLIIII Hoe die bruut den brudegom wijst den dochtren. NV die salighe kerstenheit Die biden wachtren is gheleit Dair si heuet hair lief gheuonden Ende uan twiuel is ontbonden 5[regelnummer] Dair si te uoren langhe was inne Dit merket si mit allen sinne Die wachtren entie soeticheit Die hair van gode is gheseit
[Folio B28vb]
Des wilsi niet allene 10[regelnummer] Bruken: mer si wilt ghemene Haren dochtren doen verstaen Wat salicheit si heeft ontfaen ¶ Ende spreect: ghi dochtren uan sion Gaet uut besiet salomon 15[regelnummer] Den coninc in sine conincs crone Dair en siin moeder mede dus scone Ghecroont heuet in dien daghe Doe hi ontfinc die sware plaghe Dair hi trouwede sine bruut 20[regelnummer] egrediemini filie sion et videte regem salomonem in dyademate quo coronauit eum mater sua in die desponsationis eius. liij ¶ Gods passie ons dit woort beduut 25[regelnummer] Die wi alle sullen scouwen Sonderlinghe mit sonden rouwen Want hijt doir onse sonden leet Dit wiist ons die bruut ghereet ¶ Voort so spreect si. in dien dage 30[regelnummer] Dat siin herte sonder plaghe Grote bliscap heuet ontfaen et in die leticie cordis eius liiij dit mogen wi alle gaerne verstaen ¶ Cristus is dese salemoen 35[regelnummer] Die coninc is in alle doen Die den vrede heuet ghemaket Tusschen gode ende ons gheraket Hi heuet versoent hemel ende airde Ende datter binnen is mit wairde 40[regelnummer] Men heet ons uten sonden gaen Ende in die doghet vaste staen Dair mede leert ons die bruut Eer si uan ongheloue ginc vut Sochte si hair lief dat si zere 45[regelnummer] Van herten minde in menigen kere Die die heiden hadden gheuonden Mer sine vant niet in genen stonden Dat si vte ginc ende sochte
[Folio B29ra]
Hair lief of sijt vinden mochte 50[regelnummer] Ende doe si biden wachtren quam Dair si hem mit wairheit vernam Hilt sine uast dus mogen wi vinden Gode wil wijs ons onderwinden Dat wine soeken dair hi is 55[regelnummer] So gaen wi eerst al ghewis Vten sonden ter doghet So wart hi ons hier ghetoghet Gaet ute ende siet salomoen Den coninc van so hogen doen 60[regelnummer] ¶ Die moeder kerke die is een Mit gode: mer si heuet gemeen Dochtren uele: dat siin bi reden Alle sielen uan kerstenheden Die der bruut altoes na lopen 65[regelnummer] Mit gheloue in ganser hopen Dese heten uan sion Die dochtren: want si in rechten doen Mit gheloue hier bescouwen Salicheit in sonden rouwen 70[regelnummer] Hoe dese dochtren sullen gaen Vte uan sonden hebdi verstaen Ende besien den groten here Salemoen mit herten sere Hier of hebdi wel vernomen 75[regelnummer] Die glose die hier ute mach comen Mer mit goeder berten hoort Hoe die bruut nv spreket voort

Vorige Volgende

CLIIII Hoe die bruut den brudegom wijst den dochtren.