Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

¶ Tleder.

¶ Item inden burch aen die suytsijde van sinte Donaes kercke, daer stont eene chierlicke poorte met diueersche torren, ende daer vp stont een rijckelick parck, hoe dat onse heere Ihesus traude die heleghe kercke, ende was ghetoocht in deser manieren. Christus hinck al naect aen tcruyce, ghestoffeirt ghelijc den berch van Caluarien toe behoort. Ende aen sijn rechter hant stont een schone maecht als een bruyt, hebbende in dye hant eene kercke, die welcke maecht so hoghe stont, dat si Christus nam bi sijnder rechter hant, ende daer stont ghescreuen. Ciuitas solis vocabitur et in die illa erit altare domini iuxta terminum eius.      Nota bene.