Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[fol. CC.li.v]

[¶ Item dit yeghenwoordich tractiet van paeyse sal gheconfirmeirt sijn by den coninc van Vranckerijcke]

¶ Item dit yeghenwoordich tractiet van paeyse sal gheconfirmeirt sijn by den coninc van Vranckerijcke als naeste ende barblijckelicste oyr van onsen voorseyde beminden sone, ter cause vander Coninghinne Margriete onse beminde ende weerdegher dochter.

¶ Item ende waert so dat dit tractiet van paeyse gheuyoleirt of inghebroken worde, by wien het ware, dye selue sal ghecorrigiert ende ghepuniert worden in exempele van allen anderen, so waer dat hi vonden of ghecreghen worde, als infractuer ende breker van paeyse.

¶ Item waert ooc dat naermaels bi eeneghe vanden contractanten dit tractiet inghebroken worde in eeneghe van sijnen pointen of artijculen, dat nochtans tselue tractiet van paeyse blijuen sal in sijn cracht. Ende men sal reparacie van dien moeten veruolghen by iusticien, sonder te procedeirene bi weghe van faeyten.

¶ Item waert ooc dat eenege vanden voornomden Princhen ofte andere, by delaye ofte negligencie of andere ghebreken sijne besegeltheyt niet en gaue so voorseyde es, dat nochtans tvoorseyde tractiet nyet sijnen sal van minder effecte. Ende het sy so dat wi compassie ende medelijden hebbende metten aermen volcke, begheerende te schuwene ende te beletten alle die quaden die bi diuisien ende orloghen upcommen sijn ende achteruolcht hebben. Ter eeren ende Reuerencie van gode ende van sijne ghebenedyde moedere gheconsenteirt, gheagregeirt, gheconfirmeirt ende gheapprobeirt, ende bi deser yegenwoordeger consenteren, agregeren, confimeren, ende approberen, ende ter goeder trauwen in conincx ende princelicke woorden, beloue te houdene ende te doen houdene desen paeys in alle sijne pointen ende artijculen hier voren verclaerst, ende by ons veraccoordeirt ende belooft, sonder nemmermeer te doene of te commene yeghen den voorseyde de paeys ofte eeneghe vanden pointen ende artijculen van dien. Ende omme dat ghestandich ende onuerbrekelic te onderhoudene, wi hebben onse landen ende conincrijcke ghesubmitteirt, ende submitteren tot allen peynen ende gheestelicke censuren, niet yeghenstaende dies wi ter contrarie van dien moghen hebben. Ende vp dat so ghebuerde, twelcke god voorhoeden wille, dat by ons of andere van onsen weghe yet ghedaen worde yeghens ende in contrarie vanden voorseyde tractieten, wi consenteren, willen, ordonneren, ende beuelen den princhen hier voren ghenomt, ende die drie staten vanden lande van Brabant, Lymburch, Lutcenburch, Gheldre Holland, Zeelant, Henegauwe, Namen, ende Zutphen, die stede van Valenchienes, van Mechelen, dat alle faueur ende bystandichede by hem lieden in dat gheual bi effecte ghedaen ende ghedreghen sy yeghens ons den voorseyde vanden drie leden van Vlaendren ende hueren adherenten, te dien eynde dat die voorseydede paeys in alle sijne pointen ende artijculen onderhouden sy. Ende dat dye inbroken ende infractien vp datter eeneghe waren, worden moghen gereduceirt ende gherepareirt. Ende omme dit te bet te doene sonder eeneghe note of begrijp, hebben in tvoorseyde gheual die voornomde onsen schoonen neuen, ende neue hier voren ghenomt, ende die staten vanden voorscreuen landen die bi onser ordonnancie ende beuele met ons seghelen sullen desen yegenwoordeghen paeys, of daer of gheuen hare brieuen apaert gheabsolueirt ende gheslaect, absolueren ende slaken van hueren eeden die si tonswaert hebben. So eest dat wi ontbieden ende beuelen onsen lieuen ende ghetrauwen Cancelier ende den lieden van onsen groten Rade, den Cancelier ende lieden van onsen Rade in Brabant, onse stedehouders, ende Raden van Lutcenburch, van Gheldre, van Hollandt, Zeelant, Henegauwe, ende Namen, ende alle andere iusticiers ende officiers, ende elcken van hem lieden dat si den voornomden paeys onderhouden ende doen onderhouden, ende elck point ende artijcule van dien, sonder daer yeghens yet te commene ofte te doen ghedooghen ghedaen te sijne in eenegher manieren, wantet ons also ghelieft, ende ghedaen willen hebben. Ende omme dieswille datmen van desen yegenwoordeghen sal hebben te doene in vele diueersche plecken, wi willen dat die copyen van desen of eeneghe pointen van dyen, onder den seghele auctentijc ghelooue ghegheuen sy als den originale Ende te dien eynde dat alle saken vast ende van

[fol. CC.lij.r]

weerden, ghestandich ende gheduerich blijuen, wi hebben onsen segele hier aen doen hangen. Ende in meerder vasticheyt ende versekerthede van den saken voorseyde, hebben gebeden onsen schonen neue die heere van Rauesteyn ende mer Phelips sinen sone die here van Beuere ooc onsen neue Ende in sghelijcx die Prelaten, edele, ende steden vanden voornomden landen van Brabant, Lutcenburch, ende Gheldre, Henegauwe, Hollant Zeelant, Namen, ende Zutphen, Valenchiene, ende Mechelen ooc huere seghelen metten onsen hier aen te hanghene. Twelcke wi Adolf van Cleuen, her vander Marcke, here van Rauesteyn, Phelips van Cleuen ende vander Marcke here van Wijnghendale, Phelips van Bourgoengien, here van Beueren Goossin abt van Affelghem, Maertin abt van sinte Bernaerts, Marck abt van Grimberghe, Diederick abt van Paercke, Anthonis van Brabant Rudder, Aernout van Heurne here van Brunen, Willem van Fonteynes here van Mylan, Ian van Gauere, Pieter van herbays, Ian bornaedge, here van parcke, Rudders, daneel bucxhooren, Burchmeestere, Ian pinnoc Rudder, Michiel Absoloens rudder, Phelips van nyle, Pencionris ghedeputeirde vander stadt van Lueuene Roelant de mol Rudder, Heyndric de mol Burchmeestere, Ian eeuvliet Rudder, Pieter van obeerghe, Arent de scrapere, Gheeraert vanden hecke, Pencionaris ghedeputeirde vander stadt van Bruessele, Maertin van Roode, Symon van Gheele, Goort van Dommele, Pencionaris ghedeputeirde van der stadt van Tshertoghenbossche, Ian vander Cappelle, ghedeputeirt vander stadt van Thienen, Heyndrick, ghedeputeirt vander stadt van Leeuwen, Wouter steuins, ghedeputeirt vander stadt van Nyuele, al te samen representerende die drie staten van Brabant Raphael die bisscop van Rocence abt van sinte Baefs, Phelips abt van sinte Pieters, Gheeraert abt van Eenhaem, Willem abt van Boudeloo, Raese abt van Dronghene Clement proost van.s.Maertins Typre, Pieter bogaert Deken van.s.Donaes in Brugghe, Pieter van Brugge proost in Ronche, Wouter here vander Gracht Rudder, Ian van Stauele.R.here van Iseghem, Colaert van haelwijn.R.here van Boesijnghen, Adriaen vander Gracht.R.here van Scardam, Cornelis vanden Bare heere van Moscron, Ian van claerhout here van Pithem, Andries vander woestijne here van Beselare, Ioos vander woestijne here van Beselare, Ioos vander poorte heere van Morslede, Adriaen vileyn R.here van Reeseghem, Gheeraert van hanghereel, Ian de pic, Iacob vanden hulle, Pieter Ghijselins ouerdeken, Lieuin de moor Deken vander weuerye van ghendt, Ioos de deckere Burchmeestere, Ian vander lende, Steuin vander gheinst, Ian beyts pencionaris. Ghedeputeirde van Brugghe, Pieter die lange, Andries palijnc, Ian die coene. ghedeputeirde van Ipre, Hughe gantoys Ian die latre, Ian fransoys pencionaris. Ghedeputeirde van Rijssele, Ame pinchon Ian de la vaquerye. Ghedeputeirde van Duway, Aernout van Scoresse.R.Ian die wulf, Ian meere. Ghedeputeirde van Oudenaerde, Gheeraert de splijtre, Ghedeputeirt van Aelst, alle te samen representerende die drie staten slants van Vlaendren Willem abt van Omont, Anthonis abt van bon esperanche, Michiel de chaers.R.here van cleerphay, Zebaer pieters, Christoffels gautiers, Seruaes wandaert. Ghedeputeirde van Berghen in Henegauwe, Anthonis van Chenis schiltknape, Thomaes de corouble, Govert heruy. Ghedeputeirde van Valenchiene, al te samen representerende die drie staten vanden graefscepe van Henegauwe, Ian Iacobs sone penneman, huyter name vanden prelaet van Middelburch, Cornelis wissezuene, Cornelis boom, Dieric cornelis sone, Clays Iacobs sone. Ghedeputeirde van Siericxee, Ian Diericx sone, ende Pieter die graue. Ghedeputeirde van Rommerswale, Pieter simoens sone, ende Ian gabriels sone. Ghedeputeirde vander goes Guy Ians sone, ende heyndrick Ians sone. Gedeputeirde van Toolne, alte samen representerende die drie staten vanden graefscepe van Zeelant, Ian de lespijne, Loy lodeuoet, ende Ian sosilion. Ghedeputeirde huyter name van den staten van Namen ghedaen, hebben ghegheuen in die stede van Brugge onder onsen groten seghele, den.xvi.dach van Meye. Anno lxxxviij.ende ons Rijcx inden derden iare aldus gheteekent onder den Ploy Maximilianus, ende vp den Ploy par le Roy Hauweel.