Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[¶ Item in die selue maent soe quam Margriete, suster vanden hertoghe Phelips van Vranckerijcke]

¶ Item in die selue maent soe quam Margriete, suster vanden hertoghe Phelips van Vranckerijcke, daer sy wel thien iaer gheweist hadde als Coninghinne van Vranckerijcke, die welcke arriueerde met schoonen state van Fransoysen binnen der stede van Valenchijne in Henegauwe, daer haer dye Duwagiereghe ende me vrauwe van Rauesteyn seer minlick ontfinghen vanden voorseyden heeren. Ende daer was ghemaect een schoone poorte daer si duer leedt al van broode, ende tvoorseyde broot was al ghedeelt den aermen, ende daer was grote triumphe ghedaen, ende si bleef daer.iij.oft.iiij.daghen. Ende corts daer naer namen die fransoysen orlof die de voorseyde Ioncfrau Margriete ghebrocht hadden, ende trocken weder omme naer Vranckerijcke.