Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

Item inden iare.xvc.ende.iij.so es die Eertshertoghe wten duytschen lande ghecommen nea sijnen landen]

Item inden iare.xvc.ende.iij.so es die Eertshertoghe wten duytschen lande ghecommen nea sijnen landen, >ende triumphantelic inne ghehaelt ende willecome gheheeten. Ende inden eersten commende in die princelijcke stadt van Bruessele, es daer seer blijdelick ontfangen, ende voorts te Mechelen, ende in ander steden.

¶ Item int iaer.xv^c.ende.iiij.so es dye voorseyde Eertshertoghe met sijnen state, omme hem te vermakene ghecommen in sijne stadt van Ghendt daer hy gheboren es, ende es daer grootelick ghefeesteert ende rijckelic ghetracteert. Ende int selue iaer in die maent van Meye, es vrou Iohanne ouer zee met schoenen state gheseylt na desen lande, ende es ghereyst naer der stadt van Brugghe, daer die Eertshertoghe doen was, ende al daer met groter triumphen inne ghehaelt

¶ Item int iaer.xv^c.ende viere, vp sinte Bartholomeus auont waest een generael eertbeuinghe in desen landen.