Aengaende vanden Paeus, so en heeft noeyt met mijnen wille gheweest, ende dat es sonder mijn weten ende consente ghedaen.
Ende oock es dye Paeus langhe daghen in sijnen staet weder ghestelt. Ende uwes meesters kinderen die ick in ostagie hebbe, es aen mi niet ghehouden dat sy nyet verlost en sijn, soe sijn Ambassaduers wel weten. Die coninc van Inghelandt mijn goede oom en es nyet wel gheinformeert van allen voorledenen dinghen dat hy my dese dinghen scrijft, wist hy van alle dinghen wel die rechte waerheyt, hi en soude tot mi niet anders sijn, dan hy tot my hier voortijts heeft gheweest. Oock en heb ik noeyt die schult gheloochent, ick met bereet hem te betalene. Ende wilt hy oock ymmers teghen my oorloghen, so moet ick mi teghen hem defenderen. Die woorden van uwen brief luyden seer groot ende suet, maer elck can scrijuen dat hi wilt.
Auteursrechtvrij