Flandrijs

(1998)–Anoniem Flandrijs– rechtenstatus


Fragment II
[Folio 6ra]
1076[regelnummer] Den capoen hine wiste waer Wat wonder waest al haddi vaer Dat al was des duvels partien Doen sprac colosus de paien 1080[regelnummer] Te flandrise daer hi sat Garsoen seiti segt mi dat Twine eitstu van dinen gerechte Du sits gelijc enen bloeden knechte Waer es dijn capoen die daer stoet 1085[regelnummer] Flandrijs sprac du best onvroet Hedijn ende vul ongeloven Ic maecte teken gods hier boven Opten capoen alsic nu doe Die met haesten mi ontvloe 1090[regelnummer] Om datti quam van quaden wege God geift den goeden altoes zege Entie an hem setten den moet Du cons wel gokelen onder den hoet Sprac de groote colosus 1095[regelnummer] Du does den capoen vliegen dus Vander tafele daer hi op stont Du cons toveren dats mi cont Flandrijs spranc op van daer hi sat Ende seide hedijn ic segge u dat 1100[regelnummer] Toveren canic altoes niet Dat teken dat ghi siet Alsict maecte opten capoen Es so machtich in sijn doen Diet maect hem ne mach niet deren 1105[regelnummer] Colosus sprac dats sceren Moorgen salic u doen bekent Of ghi van mi wert gescent Doer alde conste die ghi cont togen Flandrijs mochte niet gedogen 1110[regelnummer] Te horne des ruesen oversprake Gode bat hi omme wrake Ende gijnc tote sinen orse neider [In het hs. is ruimte opengelaten voor acht verzen; het perkament is onbeschadigd en blank] 1121[regelnummer] Hine hadde datti eten mochte
[Folio 6rb]
Sijn leiven wasser bi gecranct Omden sconen dach hem lanct Datti den rueze siet in tcrite 1125[regelnummer] Die gode so hadde in verwite Ende niet kende wiene sciep Flandrijs aen gode hulpe riep Dattine gestarke jegen den fellen Colosus ende sinen geselle 1130[regelnummer] Tarcacius den toverare Die dat gesate maecte dare Ende groet wonder werken conste Bi duvelen doe begonste Die dach comen die scone naecte 1135[regelnummer] Flandrijs dien herde lettel vaecte Stont op van daer hi was geleigen Sire gewoenten wilhi plegen Ten oosten heefti hem gekeert Die edel ridder wel geleert 1140[regelnummer] Knielende began hi doen Te gode waert dit orisoen Ic belie di god almachtich Vader sone heilich geest waerachtich Fonteine van allen goeden 1145[regelnummer] Die mi maken wils delachtig Int heilige doopsel dat ic crachtich Soude werden in sekere hoeden Jegen der felre elscer gloeden Ende alle kerstine des gelike 1150[regelnummer] Maecti metten selven rike Daer si bi sijn verseikert bleven Bliven si volgende nader strike Die ghi hem leret op erdrike Datsi u leren bescreiven 1155[regelnummer] Volgen in haer leiven Deise gifte diere ende scone Impetreerdi here als sone An uwen vader care Want ghi selve waert de gone 1160[regelnummer] Onversceden iii persone Die helpen wilt den sondare Die was in anxnen sware Die uwe hebdi getekent wale Als sine scape prijnchipale 1165[regelnummer] Die goede herde voorsiet Dat sijn die volgen uwe pale Ende laten de quaetheit generale
[Folio 6va]
Dien eist dien ghi biet Uwe hant ende op hem siet 1170[regelnummer] Uwe ontfermicheit ne soude Al waren de bladeren inden woude Alle tonghen niet vertellen Ghi gevet heet die hevet coude Den bedroefden gheefdi vroude 1175[regelnummer] Die hem wille laten versellen Ter doget ende daer na therte stellen Noch lati hem gebruken here Die ongelove ende valsce kere Datsi hem souden vertien 1180[regelnummer] Al willen si tuwaert spreken dere Sine mogens al heb sijs ghere Dit ghedoechdi in dien Bi uwer ontfarmicheit gescien Hier te voren hebbic verstaen 1185[regelnummer] Was sulc volc so dom gedaen Dat u ontherven waende Here god ende uwe macht af slaen Ende maecten mure ende torre saen Al toten wolken gaende 1190[regelnummer] Ic wens hem de duvel spaende Here dese mesdaet es groet Ende ooc lucifeers genoet Ende meerre dan die waerheide Dattie aerme minsheit bloet 1195[regelnummer] Jegen den hemelsche godheit groot Mids sire hoverdicheide En sach dat dingel mesdeide Boven den gestichte enten gedoge Vander mesdaet god here hoge 1200[regelnummer] Gaefdi den mensce iii dingen Op dattise te doene poghe Ende hi met herten daer an boge Hi ware die ontgijnghe Bi dien des duvels gebrijnge 1205[regelnummer] Penitencie ende beraunesse Biechte dat es der sonde kennesse Dit sijn de iii saken Onthout de sondaer deise lesse Ende doet met herten sonder messe 1210[regelnummer] So suldi hem here maken Vri vanden helschen wraken Also waerlike als dit es waer
[Folio 6vb]
Ende ic mi stille ende openbaer Besondich mensche belie 1215[regelnummer] Soe help mi god hens u niet swaer Dat ic hem die heeft ommaer Doghet verwonnen sie Ende doet dat dese iii Ten laesten werden in mie 1220[regelnummer] Daer flandrijs endde de bede aldus Quam de rueze colosus Ter camere daer flandrijs binnen was Knecht seiti trec int palas Wat helpt op di groet gescelt 1225[regelnummer] Het es tijt dat ghi ontgelt De scade die ghi mi hebt gedaen Flandrijs trac uter camere saen Scilt an hals ende helm gevest Ende tswert al baer dat dochtem best 1230[regelnummer] Dus quam hi daer de rueze hilt Hine hadde helm swert no scilt Dat dochte flandrijs wonder wesen De rueze sprac gramlike metteisen Nu secht mi knecht hoe waerstu so coene 1235[regelnummer] Te slane die beren ende te doene Mine lupaerden van den leivene Ende mine tigre al waerre vii Uwer gelike ic sloechse doot Mettien sloechi enen slach groot 1240[regelnummer] Metter vust op sinen scilt Maer datti hem stide hilt Flandrijs dat ridderlike geboer Hi ware gevallen op den vloer Voerden rueze diene smeet 1245[regelnummer] Hi bequam ende sprac gereet Toten paien fel ende sture Maer dat ghi bloot sijt nu ter ure Ghi sout desen slach becopen Vant u gereet wapenen lopen 1250[regelnummer] Dan willic jegen u vechten wale Ic bide uwes hier inde sale Ic souts mi scamen sloechic u bloet Colosus sprac en es gene noet Dat ic mi nu wapenen soude 1255[regelnummer] Op dattic noch enen slach slaen woude Metter vust also ic deide eer 1257[regelnummer] Dune genaes nemmermeer

Vorige Volgende

Fragment II