Haagse liederhandschrift

20. [Wildir horen eyne meere]

1.

Wildir horen eyne meere,
Wie eynen ridder eins geschach,
Die sine groeze brinne[n]de zwere
Wolde zire vrouwen doen gewach,
Die her droech in sin hertz verborgen,
Und des nicht langer konde draen,
Her en sprac er zÜ mit sorgen.

2.

Vrou, mire zelden oirt!
Durst ich is uch gewaegen,
Ich saegt uch gerne in kortze wort,
Des ich nicht langer kan gedragen
Von groesser sorgen und bedwange,
Die ghir doyt den sinne min,
Und hebt getaen vil lange.

3.

Here, spricht uwren wille!
Ghir haves wol de macht,
Want ich sitze vor uch stille;

[fol. 9rb]

 

Sprecht weder, zijt bedacht;

 

Ur rede wil ich gerne horen;

20

Sijnt zi bescheiden, so wil ich

 

Davon haven gheinen tzoren.

4.

Vrou, mins hertzin vruden vont,
Troestet mich vil zenden man!
Ir hait mich das hertz dorwont,
Das ich geweren nicht in kan.
Ich haves mit groeser swere gedragen,
Nu dwingt mich derzÜ min moet,
Nu ich't uch moes gewagen.

5.

Here, ir sprecht vremde wort,
Daz ich have gewont ur hertze;
Ir in hait das nicht ghehort,
Daz ich yeman dede smerze.
Och solde mich daz nicht wol getzamen,
Daz ich yeman wonten solde,
Want ich hain wives namen.

6.

Vrou, ir hebt mir nicht gewont
Mit zwerde noch mit metze.
Nochtan bin ich meer ongezont,
Dan of ich stechin zesse
Met einen swerde het in den live.
Das deyt ur minnentlicher dwanc,
Die mich dwingt so stive.

7.

Here, wie mach ich uch gedwingen?
Das solde ich gerne wissen dan,
Want ich geynre-conne dingen
Uch nye zÜgesprochen hain.
Darom spricht nit ongelimpes,
Want in kan nicht verdragen wol
Van uch uwz gescimpes.

8.

Vrou, daz ich mit uch scimpe ycht,
Das wer gar ongelijch.
Ir sult mich stede ur diener vinden,
Des in mach ich oÜch nit laen,
Al solde ich des verzwinden.

9.

Here, ir sult gode zÜ dienste staen,
Die uwez al mach gewalden,
Ende hem met vlize roefen an,

[fol. 9va]

 

Das er uch in sin hute halde.

 

Of ir dient, dar men uch nit lone;

60

Der arbeyt ist verloren gar,

 

Daerom so dient al scone!

10.

Vrou, in kan das nicht geloben,
Ir in suls mir zagen danch,
Das ich diene, zint ghir oben
Al zijt in min hertz ranch.
In den zinne min ich ze bliven,
Ende wil dar nicht scheiden van,
Mer sal noch heyl becliven.

11.

Here, laest uwer scone wort,
Das ist goet zÜ allen ziten;
Sulch die mucht si hain ghehort
Das ir sy vort moystit mityen;
Want er spricht sulch rede
Ende ein wort, des nicht in meynt;
Das nicht der goeter zede.

12.

Vrou, mire zelden troest,
Ich in saen uch nicht ein wort,
In si us hertzin al geoest;
Want er min truren op ein ort
Setzen muget, wan uch genuege
Daran doet uwz selvez doegt,
Sint ghir alles hait die muge.

13.

Here, ich moes zwigen stille
Und laessin uch die rede hain;
Allene dan spricht uren wille,
Want ghir is vaste hait bestaen;
Spricht, das den goeten wol betzam,
Das sitzet allen luden wol,
Und ist irs selbez vrame.

14.

Vrou, das ich zÜ vele rede,
Das deyt mich werlich die noet;
Want ur groesse mogenthede
Macht mir den last so groes,
Das ich werlich nicht kan laezin;
In is uwer goeten scult,
Die mich dwinget boven maezin.

15.

Here, mir dunct an ur gebere
End aen uwrer scone wort,

[fol. 9vb]

 

Das ir ein goet predikere

100

Soldet zin hie und vort,

 

TzÜ prediken, alse predikeren plegen,

 

Om tzÜ erwerben goet,

 

Sowar yt si gelegen.

16.

Vrou, spricht was ir wilt,
Ich nem't allet gar vor goet;
Want mich balde hait gestilt
Uwer minnentlicher moyt;
Want ir zÜ mir scijcht uwer gnade,
Die mich van kommer und noyt
Vil balde mach ontladen.

17.

Here, god kan genade gebin,
Mine genaden, die zin cleyne;
Na sinen wille moys vr levyn,
Alt und och jonc gemeyne.
Bid um gnade, die min laest bliven;
Daervan ur ziele mach
Veel heyles mee becliven.

18.

Vrou, als wir roeffen an
Met hertzin onsen heren gode,
So hait irs vil balde verstaen,
Ende helft ons us alre node;
Wolt ir so balde mine zwere wenden,
Als ich hoeffen, das god zal,
So wilde ich ruwe verzenden.

19.

Here, in kan des nicht gelobin,
Das ir lydt zulchin zwere;
Ghir wilt mich doen den zin erchaben
Mit uwer zuverlicher mere,
Die ghir mich hardelighen stiget;
Und was ghir scons gedenken cont,
Mir nicht davan erzwiget.

20.

Vrou, in zaen uch wort en ghein,
Is in comt us hertzingronde;
Mucht mer noch eins geschin
Ein vruntlich wort van uren monde,
Ende da us hertzin ich wer genesen,
So solde ich van der sorgen last
Wel balde onlastet wesen.

21.

Here, ir zijt nicht belaten
So swar als ur mont verghicht,
Sijt ir in sorgen och bewadyn;

[fol. 10ra]

 

Des in dunct mich werlich nicht.

 

Dracht ir zvayr, und uch das nit helft,

 

Besser wer vermeden das

145

Und in zijt gestelft.

22.

Vrou, in mach nicht abelaen,
Das deyt ur lieflich angezicht,
Das mich dunct so wal getaen,
Das kein dinc gelijct zich;
Davon wil ich nemmer wijchin;
Ich hoffe, daz ir zuelet noch
Ur wijflich gonste mer doin blichen.

23.

Here, wolt ir dorch mine bede
Noch uwer worde laessin staen,
Und mer des doin einen vrede,
Das ducht mich gar goet getaen.
Es voget wel den goeten, daz si nicht zagen,
Des eyne zich erscemyn mach,
Ende och davon verzagen.

24.

Vrou,das ich uch dete scamen,
Das in solde mer nicht voegen,
Damit mucht ich mich selven lamen,
Und verliesen min genoegen,
Das mer licht uberste in dem hertzin;
Dede ich is, wer wol recht,
Das ich is lede smertzen.

25.

Here, sult ir smertz dorch mich liden,
Das wer mich van hertzin leyt;
Des wolt ich mich zeer vermiden,
Want ich dede onbescheidenheit.
Das yemant smertz dorch mi lede,
Die geen mich nicht had verscolt,
Das wer nicht goeter zede.

26.

Vrou, ir muget tegen mer
Nicht doin, das uch mistzeme;
Yr mogent mir buesen alle zwer
Und ganzen alle leme
Mit ure gute, die uch hait geven
God, vil nah den wille zin:
Des wert uwer lof erheven.

27.

Here, uwer smeyghende wort
Hain ich lange wol erkant,
Die ghir wol cont bringen vort

[fol. 10rb]

 

Wan Üch icht goedes wert bewant.

185

An mir durftir uch nicht verlaessin,

 

Das ich Üch icht goedes gan

 

Anders dan in der maessin.

28.

Vrou, mins hertzin bloyende rijs!
Al vellet mich uvr rede sture,
Ir went si wol in alre wijs,
Al macht yr zi zus dure.
Des wil ich steter hoffin levyn,
Ende ymmer da nicht scheiden van,
Gyr in sult mich vrude gevyn.

29.

Here, hoephe hait menigen betrogen,
Des gelike deyt si uch;
Dem menige wert vrude ontzogen,
Als er haven waent geluch.
Ir moest in sulchin ortin treden!
Want uch troestet icht zÜ doin
Can ich mer nicht geretijn.

30.

Vrou, das ist mer een clegelich leyt!
Mach ich nicht erwerben ur hulde,
So wert mich vrude onbereyt
Vil meer wan dusentvulde.
Daz moez ich in dem hertz verborgen
Mit vil groessin commer drivyn,
Ende och mit swere sorgen.

31.

Here, ir sult nydervellen
Van uch den commer und verdriven,
Und zult uch vil balde verzellen
Mit anderen goeten wiven,
Die uch des commers mach ontladen;
Ende gher spricht, das ur zin
Vil vast in ist bevadyn.

32.

Vrou, ich nem't bi myme eyde:
Des wert nemmer ghein verdrijf!
Mer mach nyemant us den leyde
Brengen, dan ur zarte lijf,
Das mer vor al dunct wol getaen,
Und ouch liever nye gesach,
Noch nemmer zien in waen.

33.

Here, laest ur spotten staen,
Der reden sin ghenoech;

[fol. 10va]

225

Laest ons van anderen dingen zaen,

 

So ne wert uch ghene vloech

 

Van mir; want in kans nicht geliden,

 

Daz ir mit uch scempe wort

 

Mich rueret in allen ziden.

34.

Vrou, ich zwer uch bi den here,
Die ons leven hait gegeven:
Ghir moest besseren mine zwer,
Bas dan alle, die nu levyn;
Wan uch genuege wert ich ontbonden
Sorgen und commers noyt,
Van mich zemael erwonden.

35.

Here, liis ir sulch ongedolt
In hertzin, als ur mont verghicht,
Um mich, des bin ich onverscolt,
Want in hain's verdienet nicht.
Wilt das in zide noch van uch driven,
Werlich, das ist wol min raet,
Ir suayts te vroyer bliven.

36.

Vrou, mins hertzin hoechste croyn,
Ghir comt mir nemmer us den zinne!
Al in crege ich nemmer loen,
Ir sijt mins hertz[in] keyserinne!
In dem sinne zal ich sterven,
Altzijt hoeft das hertz min
Ir hulde ze erwerven.

37.

Here, ich haves wol gehoirt,
Das gher us vry hertzingronde
Meynet samelike wort,
Als ghir sprochin hait zu stonde.
Die wort wil ich gerne ontfangen,
En conde nicht gehelfen mich,
Das ich uch meer dete bangen.

38.

Vrou, mucht mer das geschien,
So wer ich ein vrolich man,
Vroyer so wert nye gesien,
Dan ich solde wesen dan.
Meynt ir das uss hertzingronde,
So ist mir sorgen loys,
Nu und alle stonde.

39.

Here, ich meyn uch mit bescheide

[fol. 10vb]

 

Lieve zÜ doin, war ich kan;

 

Das sult ir also beleyden,

 

Das dar nyeman spreke van;

 

Ende alzijt mit suchten so behoetin,

270

Das der wort in comen nicht

 

Onder der bueser lutyn.

40.

Vrou, ir sult mich machin wijs
Ur gedacht und uren zin;
Dem wil ich toyn mit allen vlijs,
Wan ich darzÜ bereydt bin.
Ontzucht meyn ich alzijt ze scuwen,
Want mich ruwe und arbeyt
Darvan mucht ernuwen.

41.

Here, das ist ouch min gher,
Und dasselbe raden ich;
Vernijt der bueser leer,
Sijt mit den goeten vrolich,
Und nicht zÜ vro, das men gemerche,
Das uch vrude zi besceert,
In worde of in werke.

42.

Vrou, ich bin uwren wille
Bereyt zÜ doin in alre stont,
Ophenbar und stille,
Das gheynes niders buese mont
Darvan ymmer mogen zagen,
Noch mit sine scimpe wort
Ons of sin tzonge dragen.

43.

Here, wilt ir doin alzo,
Das ist och ons beyden goet;
Laest ons sin in vruden vro,
Vrys, und och wolgemoet;
So mach onse vrude lange waryn,
Die wir willen vrolich driven
Metter hoechster vruden scaren.

44.

Vrou, dasselve ich och gheer.
Ich hain liever ure gonst
Dan ich roemsche keyser wer,
Und ich alder werelt const
Konde, die of erde levyn.
Nochtan mach ur werde lijf
Mich meere vruden geven.

45.

Here, das ist mir lieve mere!

[fol. 11ra]

 

Ich wils verdienen, of ich kan.

 

Hain ich met worden enigen zwere

310

Ure hertzin icht getaen,

 

Das laest dorch mine bede liden,

 

Want uren tsoren, dem wil ich

 

Vorbas meere mijden.

46.

Vrou, ir in haint iegen mich
Also vele nicht mesdaen,
Das id zi icht mogelijch,
Das ir mich des sprichet an.
Sulche wort wil wir nit rueren,
Wer willen sorge driven hin,
Und vrude mit zuchten vuren.

47.

Here, das ist wol min raet,
Das wir mit suchten vrolich zin;
Davan comt nemmer quaet.
Sus so zucht der zinne min:
Laest ons hy sulch leven leydin,
Das wir gewinnen hemelrijch,
Wan wer henen scheiden!

48.

Vrou, et is mine meyne,
Altzijt zÜ leven, wie ir wilt.
Want mine sorge die is cleyne,
Dat hait mir ur lijf gestylt.
Ich wil nah uren wil mich halden,
Davan heil und ouch geluch
Onser wal zal gewalden.

49.

Here, is dochte mich wol goet,
Das wir schieden an der zijt;
Want ons ein niders vroet
Balde mucht hain benyt,
Des wir selve nicht solden denchen;
Want si menn[i]ghen ane scolt
Sine vrude diche crencken.

50.

Vrou, min zijns ein gront,
So wil ich uren orlof hain,
Und gedenchen an der stont,
Das ich lieflich bin ontfaen.
Van uch des wil ich alzijt ervrouwen
Mich, want noch vorbas zol

[fol. 11rb]

 

Mine vrude diche ernuwen.

51.

Here, lieve here min,
Was vruden ich uch kan gemachin,
Daer wil ich zÜ bereyt sin
Mit allen dogentlichyn sachin.
God die moes uch geleydin,
Und uch alle zijt bewaren!
Alsus wert daer ein scheiden.

Omne principium primum difficile
Verbeyt