|
| |
53. [Ich ghinc cortswilen minen tsijt]
Ich ghinc cortswilen minen tsijt
In eynen grashof, die was scoen,
Daer ich van hertzen wert verblijt
Van der wilder voghelen doen.
5[regelnummer]
Haer gheluut was mennichfalt,
Die crude gaven zuese locht.
Ich vant na wenschen walgestalt
Die boeme gayr mit ire vrocht.
Ich vant eyn angher scone
10[regelnummer]
Die elc die bloemen ghelijche lanch.
Des vonts moys god haven danch.
Ich vant eyn reyn, luutzelic wijf
Wijflich sempel, in vri ghemuete.
15[regelnummer]
So recht invro was al ir lijf
So wonnentlijc was ir ghebeer
Se docht mich van allen zeer
20[regelnummer]
Ende leydes haven buesyn.
Hyurom ich tso der goyter tras,
Onde boet ir gueden morghen;
Se hayt mir ghedanct van das,
| |
| |
Onde heyst mer leven aen sorghen.
25[regelnummer]
Se sprach, das ich zese neder;
Ich dede, das mer die scÜene hiet;
Ich haen tso dem bilde weder
Ghevraghet, wie ir weer ghesciet,
Das si so recht vrolich were?
30[regelnummer]
Des bad ich ir, das ze mer zecht.
Guetelich die scone sprach tse mere:
"Ich mach mich vruwen wal mit rechte;
Ende wie, des wil ich dyr besceyden,
Op das verborghen blive bi dyr".
35[regelnummer]
Ich sprach: "Vrouwe, oph mijn eyt,
Et blijft sekerlijch bi myr!
Onde das seker ich onde zweer,
Das so neme ich oph mijn eyt!"
Daerna die scÜene sprach tso meer:
40[regelnummer]
"Ich wil uch sagen, wie't mit mir steyt,
Wye ich haen ghelevet lanch,
Des wil ich uch vroet maechen:
Ich haen leden groys bedwanch,
En mocht scumfen nochte lachen
45[regelnummer]
Werlich vil na minen tsijt
Onde zaghen uch, was nir verbliit:
Mich vruyt eyns werdes mannes lijf
Voer alle die werelt ghemeyne;
50[regelnummer]
Ich bin hem lief voer alle wijf,
Hyurom zo truere ich cleyne.
So gonstenliichen hii't mer deyt,
Das ich siins nicht ghelasen kan;
Ich neme das oph minen duursten eyt,
55[regelnummer]
He is mich lief voer alle man.
Das ist recht, dat also sij:
He behuet mijn eere altoes,
Onde he is alles wandels vri,
Hirom he mir lieven moys;
60[regelnummer]
He halt mer kuus moyt ende liif,
Daerom he in tse lonen steyt.
Ich weys wael, das nye man eyn wijf
| |
| |
So vol-en-dede, als he mir doyt;
En konde nie van hem ghezinnen,
65[regelnummer]
Des mir wert van hem ontzaecht;
Wes ich mit hem wil beghinnen,
Des weys wal, des heb ich macht;
Aldus so bin ich vruden rijch!
Nochtan hayn ich ghebrekes vyl:
70[regelnummer]
Ummer steyt eyn michil criich
Tusschen Nature ende Wil.
Nature steyt mit alre lyst,
Wye si mach gheselscap hayn;
Das keert Wil om das byst,
75[regelnummer]
Onde sprech: "lays!" yt's wol ghetaen;
Pruefden 't boser nider loghen,
Des so moyst ich hinder haen,
Ende souts nicht ghebruken mogen,
80[regelnummer]
Wan ich mir dan bedenchen,
Da van mer hertz onde zinne crenchen;
Mich wert tse muede harde swaer,
Das ich siere zelscap moys siin aen,
Dien ich stede haen ghezworen,
85[regelnummer]
Dien ich lief, alre liefste, haen:
Das doyt mich mennich leyt becoren."
Ich sprach: "Suese werde, reyne!
Men moys Nature mit Wille laen
(Das neme ich oph minen duursten eyt),
90[regelnummer]
Sal rechte liefte bliven staen.
Ydoch wel, minnentlijche guete,
So rade ich uch, wye na et uch gheyt,
Das ir openbaer hayt huete,
Voer de lude int ghemeyne
95[regelnummer]
Ghelaet, of uch niet en were;
Gheeft, als ghir sijt alleyne,
Guetlijch woert, lieflijch ghebeere,
(Dat mach uch scaden cleyne)
Doet hem al, dat hi ghebiet!
100[regelnummer]
Werlich, das yst mijn raet:
Zint ghyr uch zelven hayt verghyet,
Das ghyr hem goyt ghevonden hayt,
| |
| |
So ne weys ich uch wes raden bas,
Dan ghir hem truwe ende stede ziet;
105[regelnummer]
Al haynt des die buese has,
Daerom en zuldyrs laysen niet!"
Se sprach: "ich sal, oph minen eyt,
Hem ummerme ghestede bliven;
Wien das lief si ofte leyt,
110[regelnummer]
Dayrvan bin ich nich verdriven.
Worde ich hem ummerme ghelays,
So moys mich nemmer goet ghescien!
Onde bidde gode, das hi mir hays,
Onde moys mich sine ghenade ontyen!"
115[regelnummer]
Ich sprach tsu der reynre tsarten;
"God lays uch bescheidelich leven!
Ich haen tse scaffen nader waerten,
Ir sult mich uryn orlof gheven."
Tso mir sprach ir suver mont:
120[regelnummer]
"Vrint, god moys dyr gheleiden!
God halde dir lijf onde ziel gesont!"
Dus bin ich van dan ghesceiden,
Onde ghinc, daer ich sulde gaen,
Onde daer ich ummer moyste ziin.
125[regelnummer]
Hiermit lays ich die reden staen,
Onde scaffe voert den oirbaer mijn.
| |
53*. Truwe weder truwe
Truwe deyt mich mistruwen.
Waerom mach mich truwe ruwen?
Had ich ontrouwe in minen zin,
Mich ruwede ontruwe veel te min.
O we, o wach, ich armer man,
Ich plach tse riden, ic moys nu ghan;
Das hayt eyn wijf tsemael ghedan.
5[regelnummer]
Ze maect mich alre vruden van,
Die ich ter werelt ye ghewan;
Nochtan dat ich ir eeren ghan.
| |
| |
God loent ten lesten alle man,
Ghenade god, daer blive ich an.
|
|
Auteursrecht onbekend