|
| |
63. [Das gescach in eenre kalde]
Das ghescah in eenre kalde,
Wan die lover menichfalde
Van den boeme zint vervaren,
Onde der sueser voghelen scaren
5[regelnummer]
So drueflec berghen yren zanc,
Overmids des winters dwanc,
Des al de werelt zich vernyt.
Aldus viel mich in eynen tijt
Tse claffen iegens eynre vrouwen,
10[regelnummer]
Daer menger wenschen was aen te scouwen,
Dan ich wal doen besceyt:
Ir gele crans was ingeleyt
Mit mennegen striche opghedrongen,
Ghelijc of 't were in golde bedwongen,
15[regelnummer]
Des ducht mich werlich in den scijn;
Ir sceidel also rechte fiin,
Wits hermeliin gaer gheclaert;
Ir voerhoe[f]t also recht tsaert,
Das wal trout tse prisen sta;
20[regelnummer]
Ir oegen warent hemel-gra
Ende so vroylich ir gestellet,
Das hem billic wal bevillet,
Wien si mit gonsten meynen;
| |
| |
Ir nese ghelijch den elfenbeenen;
25[regelnummer]
Ir wengeliin waren sich ontfenget,
Wits onde roet tso eyn gemenget,
Als of 't eyn blutz in meye waer;
Beloechen gaer douwes nas,
30[regelnummer]
Wan ir oech genoeghet das
Singen in so suezer talen,
Das lijch ich io der nachtegale,
So zuese nende'ch das gelout.
Etz mÜcht wal wesen Venus trout,
35[regelnummer]
Also zayrt was das bilde,
Das god was siner consten milde,
Doe her ze alzo gewracht;
Her hayt so vyl aen ir gedach[t]
Menneger cuusster werder seden,
40[regelnummer]
Der ich nicht al en kan gereden.
Se sprach mer zus mit woerden an:
"Wye steyt mit dyr, vyl zelsen man?
Was machts-tu gaer beloven dyr?
Weystu niet tso sagen myr?
45[regelnummer]
Waermede becommers du den moyt?"
"Vrouwe selich, vrouwe goyt!"
Sprach ich weder tso der reyne
"Das yst werlich in't ghemeyne!
In weys uch anders nicht tso sagen;
50[regelnummer]
Mer eynre zachen suldich vragen,
Das mir dunct wonderlicheyden:
Vrou, des moyst yr mich besceyden,
Wye das die vrouwen mogen meynen,
Wan goete mannen sich vereynen
55[regelnummer]
Tso dem vrouwen oph ghenaden
Mit trouwen dienst, in rechter staden,
Dat si die lasent so in sorgen,
Das sij't jammerliche bequelen;
60[regelnummer]
Unde lietz eyn hont doch siin belen,
Dat he mir vruntscap dede bekant,
Ich bode hem weder io de mont,
Nochtan yst dien wael onghelijch."
| |
| |
Doe sprach die vrouwe minnentlijch:
65[regelnummer]
"Vrunt, nu hayn ich wol verstaen,
Das die manne ons beclaen,
Das wer vrec siin onser minnen.
Sint vil der man siin zo van zinnen,
Dat zij siin so onghestedich;
70[regelnummer]
Onde daertso so onghestedich,
Wan si die vrouwen haen verwonnen
Mit ire list, alsi wol konnen,
Das ze si lasen niderzien.
Was mach men dan den vrouwen tyen,
75[regelnummer]
Das sij's also langhe verbeyden,
Das si der onghestedicheyden
Aen den mannen vinden gaer?
Ich zaen dich das voerwaer,
Das gheyne zachen en krenct mee
80[regelnummer]
Eynre goeder vrouwen, dan dat zee
Ir groyse gonst maect tse kundich,
Das die manne zo ghemundich
Werden gaer over die vrouwen,
Das mennich swere onde rouwe
85[regelnummer]
Daervan spruutet in den moyt."
Ich sprach: "tzartz vrouwe goyt!
Sal das dem goeden icht miscomen,
Dat men so zwach vint den zomen,
So dunct mer, comt her evel tsoe."
90[regelnummer]
Se sprach: "die goede sal wesen vroe,
Haynt ze durch minne strangen pijn:
Ir vruden (sal) zal te meerre siin,
Want si in trouwe werden vonden.
Vrunt!" sprach ze tso dem stonden
95[regelnummer]
"Wer dorch lieven nicht wil hayn
Hertleyt oph lieven waen,
Der moys der vruden al ontberen,
Daer guete manne altoes na gheren."
Alzus vielen die antworden.
100[regelnummer]
Des quam eyn die ons stoerden;
Doen lies ich 't nicht, en bescreef
Eyn .R. van roeden golde,
Dien aen ich trouc al ich zolde.
Nota. Och wold zi zo, So weer ich vro.
|
|
Auteursrecht onbekend