[Ons is gheboren een kindekijn]Ons is gheboren een kindekijn
Daerom soo willen wij vrolijck sijn
Laet ons hem dienen met herten fijn
Want sijnen naem is Iesus
Vala sus, sus, sus, sprack Maria tot Iesus,
Doen daer baerde die maghet Mary
Soo en was daer niemant by
Dan Ioseph haer behouder vrij
Haer haue gadde sij gelaten thuys,
Vala, sus. &c.
Als ons Heere gheboren was
Ende Maria daer aff ghelach
Soomen inder scriftueren las
Van gheenen man en had sij confuys.
Men leyde den Heere inder cribben
Van hoy was ghemaeckt sijn bedde
Aen beyde sijden quetste sijn ribben
Nochtans bleef hij
dominus. Vala, sus, sus, &c.
Eenen osse ende een cleyn ezelken,
Verwermden hem die leden zijn
Van couden weenden dat kindekijn
Nochtans bleef hij
dominus. Vala, sus, sus, &c.
| |
[p. xiij]origineel
| |
Die herderkens op den velde laghen
Sij begonsten haer te versaghen
Van eender claerheyt die sij saghen
Sij hadden gewilt wel wesen
thuys. Vala, sus, &c.
Die Enghel sprack weest niet veruaert
Ons is gheboren eenen nieuwen standaert
Daer onder wij allen zijn bewaert
Hij sal den vyant maken
confuys. Vala, sus, &c.
Die herderkens songhen, ha, ha, ha,
Ons is gheboren soo ick verstae
In excelsis gloria
Et in terra pax hominibus.
|
|