¶ Van haer wonderlijcke devocie sij hadde totten Heilighen Sacramente. Dat XXXIII capittel
Hoe groote begheerte der devociën Clara hadde totten Heilighen Sacramente des outaers, dat bewijsen wel haer wercken.
Eerst in die wechjaginge der Zarasijnen; doen die stemme eens jonghen kints daer uter bussen sprac. Want in die sware siecte daer sij om te bedde lach, liet sij haer op rechten ende wat achter den rugghe leggen dat haer op hielt. Ende alsoe sittende, span sij zeer cleyn laken, alsoe veel, daer wel L corporalen af dede maken, die sij in sijden ende purpere sacxkens besloet, ende sijnde se in allen kercken die omtrent Assisen gheleghen waren.
Ende als sij dat lichaem Ons Heeren ontfanghen soude, soe maecte sij haer eerst voechtich met heeten tranen. Ende soe ginc sij voert - al bevende ende al scrumende - ende sij en ontsach niet min Den Genen
Auteursrechtelijk beschermd