Den Bybel met groter neersticheyt ghecorrigeert (Liesveltbijbel 1542)

Vanden olie totten lampen ende candelaren, vanden thoonbrooden, van die straffinghe des lasterens, ende vloeckens

Dat .xxiiij. Capittel

1

⁺ENde die HERE sprack met Mose, seggende,

+ A vers 1

2

Ghebiet den kinderen van Israel, dat si v brengen suyuer gestooten boomolie, om te lichtene, datse bouen in die lampen altijt gedaen worde,

3

buyten voor dye gardine des getuyghenis, inder tente des getuygenis Ende Aaron salse toe bereyden des auonts ende morgens voor den HERE altijt, dat sal een eewich recht sijn uwen nacomelingen,

4

Hy sal die lampen opten suyueren candelaer stellen, voor den HERE altijt.

5

Ende ghi sult bloemen vanden mele nemen, ende twelf koecken daer van backen, ⁺ twee thienden sal eenen koeck hebben,

+ B vers 5

6

ende sultse leggen op die suyuere tafele, ende dat also, te weten ses op een ghescict voor den HEERE

7

ende sult op dat selue leggen suuer wierooc dattet Gedencbroot si totten offer des HEREN.

8

Alle Sabboth sal hise voor den HERE bereyden altijt, ende vanden kinderen van Israel ontfanghen, tot een eewich verbont

9

Ende si sullen Aarons ende sijnder sonen sijn, die sullen dye eten in die heylige stede, want dat is in sijn alderheylichste vanden offer des HEREN, teenen eewigen rechte.

10

Ende daer ginc wt eens wijfs soon van Israel, die eens mans van Egipten kint was, onder dye kinderen van Israel, ende wert kijuende inden legher, met eenen man van Israel,

11

ende noemden den naem Gods, ende vloecten Doe brochten si hem tot Mose, sijn moeder hiet Selomith, een vanden dochteren Dibri, vanden geslachte Dan

12

ende setten hem in die bewaernis, ⁺ tot si dat weten souden wt den monde des HEREN.

+ C vers 12

13

Ende die HERE sprac met Mose segghende,

14

leyt hem buyten voor den leger, dye daer geuloect heeft, ende laet alle die gene diet gehoort hebben, haer handen op zijn hooft leggen, ende laet alle dye gemeynte hem steenen

15

ende segt den kinderen van Israel, Wie dat sinen God vloect, die sal sijn sonden draghen.

16

Wie des HEREN naem noemt, die sal die doot steruen, alle die gemeynte sal hem steenen, Ghelijc die vreemdelinc so sal ooc die ingeboren sijn, als hi den naem noemt so sal hy steruen.

17

So wie een siele des menschen dootslaet, die sal die doot steruen,

18

wie dat eens vees siele dootslaet, die salt betalen, siele om siele,

19

Ende wie sinen naesten verleemt dien salmen doen, so hi ghedaen heeft,

20

ghebroken om gebroken, ooge om ooge, tant om tant, so hi eenen men-

[p. *]

sche dootslaet, die sal steruen,

22

Eenreley recht sal onder v lieden zijn, den vreemdelingen gelijc den ingeborenen, want ick ben die HERE v God.

23

Mose seydet den kinderen van Israel, ende si leyden hem wt door den leger die geuloect had, ende steenden hem, Also deden die kinderen van Israel, so die HERE Mose gheboden hadde.