Den Bybel met groter neersticheyt ghecorrigeert (Liesveltbijbel 1542)

Dat volck wert weder ghetelt ende ghemonstert wat strijdt daer is

Dat .xxvi. Capittel.

1

⁺DIe HERE sprac tot Mose, ende Eleazar des priesters Aarons soon

+ A vers 1

2

Neemt die somme van alle die ghemeynte der kinderen van Israel, van .xx. iaren, ende daer ouer nae haerder vaderen huysen alle die int heyr trecken mogen in Irael.

3

Ende Mose sprac ende Eleazar die priester, int velt der Moabiten dat aen die Iordaen leet, tegen Iericho tot hen

4

die .xx. iaer out waren, ende daer ouer, so die HERE Mose gheboden had den kinderen van Israel, die wt Egypten ghetrocken waren

Ruben die eerst geboren in Israel,

5

ende Rubens kinderen waren Hanoch, vanden welcken sijn ghecomen dat geslachte der Hanochiten, Pallu vanden welcken dat geslachte der Palluiten gecomen is.

6

Hesron van welcken is gecomen dat geslacht der Hezroniten Charmi, van welcken is gecomen dat gheslachte der Charmiten,

7

⁺Dat sijn die geslachten der Rubeniten, Ende haerder ghetal was xliij. duysendt, seuen hondert, ende dertich,

+ B vers 7

8

Mer Pallu kinderen waren Eliab,

9

ende Eliabs kinderen waren Nemuel ende Dathan ende Abiram.

Dit is die Dathan ende die Abiram, die vermaerde inden ghemeynten, die tegen Mosen ende Aaron op stonden, die vergaderinge van Korachs aenhangers, doen si teghen den HERE op stonden,

10

ende dye aerde haren mont op dede, ende verslindense met Korah. Ende daer steruer vele, als dat vier, twee hon-

[p. *]

dert ende vijftich mannen verslinde, ende waren tot eenen teeken,

11

Maer Korahs kinderen en storuen niet.

12

Symeons kinderen in haren gheslachten waren Nemuel, daer af coemt dat geslachte der Nemueliten Iamin, daer af coemt dat geslachte der Iaminiten Iachin, daer af coemt dat geslachte der Iacheniten

13

Serah, daer af coemt dat geslachte der Serahiten. Saul daer af comt dat geslachte der Sauliten,

14

Dat sijn die geslachten des geslachts der Symeoniten .xxij duysent ende twee hondert

15

Gad kinderen in haren geslachten waren Ziphon, daer af coemt dat geslachte der Ziphoniten Haggi, daer af coemt dat geslachte der Haggiten. ⁺ Suni, daer af coemt dat geslachte der Suniten,

+ C vers 15

16

Aseni, daer af coemt dat geslachte der Asseniten, Eri, daer af coemt dat gheslachte der Eriten

17

Aarod, daer af comt dat geslachte der Aroditen, Ariel, daer af coemt dat geslachte der Arieliten.

18

Dat sijn Gad kinderen, haerder getal was .xl. duysent ende vijf hondert

19

Iuda kinderen, Er ende Onan, die welcke beyde storuen int lant Canaan,

20

ende het waren ooc Iuda kinderen in haren gheslachte. Sela, daer af coemt dat gheslachte der Selaniten, Perez daer af coemt dat gheslachte der Pereziten, Serach, daer af coemt dat geslachte der Serachiten.

21

Ende Perez kinderen waren Hezron, daer af coemt dat geslachte der Hezroniten Hamul daer af coemt dat geslachte der Hamuliten

22

Dat sijn Iuda geslachten, haerder ghetal was .lxxvi. duysent ende vijf hondert.

23

Isaschars kinderen in haren gheslachten waren Thola, daer af coemt dat geslachte der Tholaiten, Phuwa, daer af coemt dat geslachte der Phuaiten,

24

Iasub daer af coemt dat geslachte der Iasubiten, Simron daer af comt dat geslachte der Simroniten,

25

Dat zijn Isaschars geslachten, inden ghetale .lxiiij. duysent, drie hondert

26

Sebulon kinderen in haren geslachten waren Sared daer af coemt dat geslachte der Saraditen Elon daer af coemt dat geslachte der Eloniten, ⁺ Iahelel, daer af coemt dat gheslachte der Iaheliten,

+ D vers 26

27

Dat sijn Sebulons geslachten, inden getale .lx. duysent, ende .v.C.

28

Iosephs kinderen in haren geslachten waren Manasse, ende Ephraim,

29

ende die kinderen van Manasse waren Machir, daer af coemt dat gheslachte der Machiriten, Machir wan ooc Gilead, daer af coemt dat geslachte der Giliaditen.

30

Ende dit sijn Gileads kinderen, Hieser, daer af coemt dat geslachte der Hieseriten Helek, daer af coemt dat geslachte der Helekiten,

31

Asriel daer af coemt dat gheslachte der Asrieliten,

32

Sichem daer af coemt dat geslachte der Sichimiten, Smida, daer af coemt dat geslachte der Smiditen, Hepher, daer af coemt dat gheslachte der Hepheriten.

33

Ende Zelphehad, was Hephers soon, ende en hadde gheen sonen, maer hadde dochteren, die hieten Mahela, Noa, Hagla, Milca, ende Thirza.

34

Dat zijn Manasse geslachten inden ghetale .lij. duysendt ende seuen hondert.

35

Ephraim kinderen in haren geslachten, waren Suthelah daer af coemt dat gheslachte der Suthelahiten, Becher, daer af comt dat geslachte der Becheriten, Thahan, daer af coemt dat gheslachte der Thahaniten,

36

Suthlah kinderen waren Eran, daer af coemt dat geslachte der Eraniten.

37

Dat sijn die gheslachten der kinderen van Ephraim inden getale .xxxij. duysent, ende vijfhondert, Dat sijn Iosephs kinderen in haren gheslachten

38

BenIamin kinderen in haren geslachten waren Bela, daer af coemt dat geslachte der Belaiten, Asbel daer af coemt dat gheslachte der Asbeliten, ⁺ Ahiran daer af coemt dat geslachte der Ahiraniten

+ E vers 38

39

Suphan daer af coemt dat gheslachte der Suphaniten,

40

Hupham, daer af coemt dat gheslachte der Huphamiten. Ende Bela kinderen waren dese Ard, ende Naeman

41

daer af coemt dat geslachte der Arditen, ende Naemiten. Dat sijn BenIamins kinderen in haren gheslachten, inden ghetale .xlv. duysent ende .vi. hondert

42

Die kinderen Dan in haren gheslachten, waren Suham, daer af coemt dat geslachte der Suhamiten, Dat sijn die gheslachten Dan, in haren geslachten,

43

ende waren alle te samen inden getale .lxiiij. duysent, ende .cccc.

44

Asser kinderen in haren gheslachten waren Iemna, daer af coemt dat gheslachte der Iemniten, Ieswidar daer af coemt dat geslachte der Ieswiten, Bria daer af coemt dat gheslachte der Briiten,

45

Ende Bria kinderen waren Heber, daer af coemt dat geslachte der Hebriten, ⁺ Melchiel, daer af coemt dat geslachte der Melchieliten,

+ F vers 45

46

Ende Asser dochter hiet Sarah,

47

Dat zijn die gheslachten der kinderen van Asser, inden ghetale .liij. duysent, ende vier hondert.

48

Naphthali kinderen in haren gheslachten waren, Iaheziel, daer af coemt dat geslachte der Iahezeieliten Guni, daer af coemt dat gheslachte der Guniten,

49

Iezer, daer af comt dat geslachte der Iezeriten, Sillem daer af coemt dat gheslachte der Sillemiten.

50

Dat sijn die geslachten der kinderen Naphtali, in haren geslachten, inden getale .xlv. duysent ende vierhondert,

51

dat is die somme vanden kinderen van Israhel, ses mael hondert duysent, een duysent, seuen hondert ende dertich.

52

Ende die HERE sprack met Mose segghende,

53

desen suldy dat lant wtdeylen, tot een erfgoet, nae den ghetale der namen,

54

den meesten suldi dat meestendeel gheuen, tot een erfgoet, ende den minsten dat minste, yeghelijcken salmen gheuen na haren getale,

55

Also nochtans datmen metten lote deylen sal dat lant na den namen der geslachten haerder vaderen, sullen si erue ontfaen,

56

⁺want na de loope suldy hen die erue wtdeylen, tusschen den meesten ende den minsten

+ G vers 56

57

Ende dit is die somme der Leuiten in hare geslachten Gerson, daer af coemt dat gheslachte der Gersoniten, Kahath, daer af coemt dat geslachte der Kahathiten, Merari daer af coemt dat geslachte der Merariten.

58

Dit sijn die geslachten Leui, dat gheslachte der Leuiten, Dat geslacht der Hebroniten, Dat geslachte der Maheliten, Dat geslacht der Musiten, Dat geslacht der Karohiten.

59

Kahath wan Amran, ende Amrans wijf hiet Iochebeth, een dochter van Leui die hem geboren wert in Egipten, ende si baerde Amram, Aaron ende Mose ende MirIam haer sustere,

60

Ende Aaron werden geboren Nadab, Abihu, Eleazar ende Ithamar,

61

Nadab ende Abihu storuen als si vreemt vier offerden voor den HERE,

62

ende haer somme was drientwintich dusent, alle mans persoonen van vijf maenden ende daer ouer Want si en werden niet ghetelt onder die kinderen van Israel, want men en gaf hen geen erue onder die kinderen van Israhel

63

Dat is die somme der kinderen van Israel, die Mose, Ende Eleazar die priester telden inder Moabiten velt aen die Iordane tegen Iericho,

64

onder welcken niet een en was vander sommen, der geenre die Mose ende Aaron die priester telden onder die kinderen van Israhel in die woestijne Sinai,

65

want die HEERE

[p. *]

hadde hen gheseyt, si souden die doot steruen in dye woestijne, ende niemant en bleef daer ouer, van hen lieden, sonder Caleb Iephunne soon, ende Iosua Nuns soon