Den Bybel met groter neersticheyt ghecorrigeert (Liesveltbijbel 1542)

¶ Wat Salomon inden tempel doet.

Dat .v. Capittel

1

⁺ENde Salomo bracht daer inne alle dat zijn vader Dauid geheylicht hadde, te weten, ⁺ siluer ende gout, ende alderhande gereetscap, ende leydet inden schatten, inden huyse Gods.

+ A vers 1

+ iij.re. vij

2

Doen vergaderde Salomo alle die ouders in Israel, ⁺ alle hoofden, der stammen ende vorsten, der vaderen, onder den kinderen Israel te Hierusalem, dat si die Arcke des verbonts des HEREN op souden brenghen, wt der stadt Dauid, dat is Zion.

+ iij.reg. viij.a

3

Ende het vergaderden hen totten coninc alle mannen Israel op die feeste, dat is inder seuenster maent,

4

ende alle dye ouders Israel quamen, Ende die Leuiten hieuen die Arcke op, ende brachtense opwaerts metten tabernakele des ghetuygenis,

5

ende allet heylige ghereetscap dat inden tabernacule was,

6

ende brachtense mede opwaerts die priesters, die Leuiten. Mer die coninck Salomo ende die gheheele gemeynte Israel tot hem vergadert voor die Arcke, offerden schapen ende runderen so vele, dats nyemant ghetellen oft rekenen en conste.

7

Also brachten die priesters die Arcke des verbonts des HEREN op haer plaetse inden Choor des huys in dat alderheylichste, ⁺ onder die vlogelen der Cherubim,

+ B vers 7

8

also dat dye Cherubim haer vlogelen wtbreyden ouer die plaetse der Arcken, Ende die Cherubim bedecte die Arcke, ende haer hantboomen van bouen.

9

Die hantboomen waren so lanc, datmen hare knoopen sach vander Arcken voor dat Choor, mer buyten en sachmense niet, ende si was aldaer tot op desen dage.

10

Ende daer en was niet in die Arcke dan die twee steenen tafelen, die Mose in Horeb daer inne gedaen had, doen die HERE een verbont maecte metten kinderen Israhel, doen si wt Egypten trocken.

11

Ende doen die priesteren wtgingen wt den heyligen, want alle die priesters die voor handen waren heylichden hen daer, ⁺ also dat ooc die ordinen nyet gehouden en werden

+ C vers 11

12

Ende alle die Leuiten, met alle die onder Assaph Heman Iedithum, ende haren kinderen ende broederen waren, waren gecleet met lijwaet, ende songen met cymbalen, psalteren ende harpen, ende stonden tegent oosten des outaers, ende bi hen .C. ende twintich priesters, die met trompetten bliesen,

13

ende het was, als oft een waer, dye trompette, ende songe, als oftmen een stemme hoorde, te louen ende te dancken den HERE. ⁺ Ende doe haer die stemme verhief, vanden trompetten, cymbalen ende ander musijcspelen, ende van dyen louen den HERE, dat hi goet is, ende dat sine ontfermherticheit eewelic duert, doe wert dat huys des HEREN veruult met eender wolcken,

+ D vers 13

14

also dat die priesters nyet en consten ghestaen, om te dienen, om dier wolcken wille, Want die heerlicheit des HEREN veruulde dat huys Gods.