Den Bybel met groter neersticheyt ghecorrigeert (Liesveltbijbel 1542)

¶ Baesa trect teghen Assa, Ende met hem wort Assa vereenicht, Ende daerom straft hem die HERE.

Dat .xvi. Capittel.

1

⁺ENde inden sessendertichsten iaer des Conincrijcx Assa, trock Baesa die coninck Israel op tegen Iuda, ende timmerde Rama, op dat hi Assa den coninc Iuda soude keeren, wt ende in te trecken

+ A vers 1

2

Mer Assa nam wt den schat inden huyse des HEREN, ende inden huyse des Conincx siluer ende gout, ende sandt tot Benhadad den Coninc tot Siria, die tot Damascon woonde, ende dede hem seggen,

3

daer is een verbondt tusschen v ende mi, tusscen my ende uwen vader, daerom heb ic v siluer ende gout gesonden, dat ghi dat verbont met Baesa den Coninc Israel soudt laten varen, op dat hi van mi aftrecke.

4

⁺Benhadad hoorde den Coninck Assa, ende seynde sijn heyrvorsten tegen die steden Israel, Die sloeghen Eion, Dan ende AbelMam, ende alle corensteden, Naphtali.

+ B vers 4

5

Doen Baesa dat hoorde, liet hi af Rama te tymmeren, ende hielt op van sinen wercke,

6

Mer die coninc Assa nam tot hem geheel Iuda, ende si droegen die steenen ende dat hout van Rama, daer Baesa mede tymmerde, ende hi tymmerde Geba ende Mizpa daer mede.

7

In die tijt quam Hanani die Siender tot Assa den Coninc Iuda, ende sprac tot hem, ⁺ Om dat ghi v op den Coninc van Sirien verlaten hebt, ⁺ ende en hebt v niet op den HEERE uwen God verlaten, Daerom is die macht des Conincx te Sirien uwer hant ontulucht

+ C vers 7

+ i.re. xij.

8

En waren die Mooren ende Libiers niet een grote menichte met seer veel waghens ende ruyteren? nochtans gafse die HERE in uwer hant, doen ghi v op hem verliet,

9

Want des HEREN ooghen aensien alle landt, dat hi soude stercken die wt geheelder herten aen hem sijn, Ghi hebt sottelijc gedaen, Daerom sult ghi ooc van nv voort aen, oorloge hebben.

10

Ende Assa wert gram op den Siender, ende sette hem in de gheuanckenisse, want hi murmureerde teghen hem ouer dese sake,

11

Ende Assa verdructe sommige vanden volcke tot dye tijt.

Die gheschiedenisse Assa, beyde die eerste ende die laetste, siet, die sijn ghescreuen in die boecken der coninghen Iuda ende Israel,

12

Ende Assa wert cranc aen sijn voeten inden .xxxix.sten iaer sijns conincrijcx, ende duerde daer ouer, ⁺ ende en socht den HEERE ooc in sijn crancheyt niet, mer die medecijnmeesters.

+ D vers 12

13

Alsoo ontsliep Assa met sinen vaderen, ende sterf inden eenenveertichsten iare zijns conincrijcx, ende men begroef hem in sinen graue dat hi had laten grauen in die stadt Dauid,

14

Ende si leyden hem op sinen legher, den welcken men gheuult hadde met goeden ruecwerc, ende alderhande specerie, na der apotekers conste gemaect, ende maecte een seer groot verbernen