Den Bybel met groter neersticheyt ghecorrigeert (Liesveltbijbel 1542)

Dat .viij. Capittel

1

⁺O Wie geeft v mine broeder, ghi die mijnder moeder borsten suyget, dat ick v daer buyten vinde, ende v cussen mochte, dat v ooc nyemant mi dat en roofde.

+ A vers 1

2

Ic wilde v leiden, ende in mijnder moeder huys brengen, daer ghi mi leeren sout, Daer wilde ick v drencken met gemaecten wijn, ende met moste mijnder granaet appelen,

3

Sine slincke hant leyt onder mijn hooft ende sine rechte hant omhelset mi

4

Ic besweere v dochteren Hierusalem, dat ghi myne beminde niet op en wect, noch en roeret, tot dat haer van selfs behaget

5

wie is die, die daer op varet vander woestinen, ende leenet op haren vriendt, Onder den appelboom wecte ic v daer uwe moedere v gebaert heeft, daer met v gelegen heeft, die v gewonnen heeft

6

⁺Settet mi als eenen zeghel op v herte, ende als eenen segel op uwen arm. Want liefde is sterc als die doot, ende toornige liefde is vaste als die helle, haren gloet is vierich, ende een vlamme des HEREN.

+ B vers 6

7

Dat ooc vele wateren die liefde niet en mogen wtblusscen, noch die stroomen die verdrencken. Al wilde een allet goet in sinen huyse om die liefde geuen, so en soude dat alle nyet ghelden.

8

Onse suster is cleyne, ende en heeft gheene borsten Wat sullen wi onser suster doen, alsmense nv sal aenspreken.

9

Is si eenen muere, so willen wi siluere bolwercken daer op timmeren, Is si een duere, so willen wise vestigen met cederen tafelen,

10

Ic ben een muere, ende mine borsten zijn als eenen thoorne, doen ben ic geworden voor sinen oogen als die vrede vijndet.

11

⁺Salomo heeft eenen wijnberch tot BaalHamon Hi gaf den wijnberch den bewaerders, dat elcke voor sine vruchte brachte duysent silueren penningen

+ C vers 11

12

Minen wijnberch is voor my, v Salomo behorender duysent, mer den bewaerders twee hondert met sinen vruchten

13

Ghi die inden houen woont die geselscappen mercken daer op,

14

laet mi v stemme hooren, vliet mine vrient, ende sijt als een rhee, ⁺ oft ionghen hierte op der welrickende cruyden bergen.

+ D vers 14

¶ Eynde des hoogen liedts Salomo.