Den Bybel met groter neersticheyt ghecorrigeert (Liesveltbijbel 1542)

Vanden iammer die haer daer na ontmoeten sal met beloften der ghenaden, ende troosts door Christum.

Dat .iiij. Capittel.

1

⁺IN dier tijt sal des HEEREN spruyte edel ende pruetsch sijn. ⁺

+ A vers 1

+ Iesa. iij. psa xxix Mat xi

2

Ende dye vruchten der aerden heerlijc ende cloec, by den ghenen die in Israel behouden worden.

3

Ende so wie daer ouerblijuen sal in Sion, ende ouer schiet in Hierusalem, dien salmen heylich heeten. Een yegelijc die daer ghescreuen is onder dye leuendighe te Hierusalem.

4

Als die HEERE dye onreynicheydt der dochteren Sion afwasschen sal, ende die bloetschuldighen Hierusalems van haer verdrijuen sal, door den gheest des rechts, ende door den gheest des brants

5

⁺Ende die HERE sal sceppen ouer alle wooninghen des berchs Sion (ende so waer si vergadert is) wolcken ende roock des daechs, ende vierschijnsele snachts bernende.

+ B vers 5

6

Want daer sal een bescherminghe sijn ouer alle dat heerlijck is. Ende si sal een tente sijn tot een schaduwe sdaechs voor die ^a hitte, ende een toeulucht ende verberghinge voor donweder ende den reghen

a Hitte donder ende reghen betekent tribulaten ende verdriet