Den Bybel met groter neersticheyt ghecorrigeert (Liesveltbijbel 1542)
(2010)–Anoniem Liesveltbijbel–
Auteursrechtelijk beschermd¶ Die straffinghe des volcs wordt den prophete gheopenbaert Ende daer mede ooc een troostelike beloofte, die alleen in Christo veruult wert | |
1Ga naar margenoot+ENde die wint hief mi op, ende bracht my totter poorten aenden huyse des HEREN, die ten oosten waert staet, Ende siet, onder die poorte waren vijfentwintich mannen, Ende ic sach onder haer Iasania, den sone Asur, ende Platia die sone Banaia die vorsten inden volcke, | |
2Ende hi sprac tot mi, Menschen kint, Dese luyden hebben gedachten die qualicken vergaen sullen, ende voornemen, die deser stat schade doen sullen, | |
3Want si seggen, Ten is noch so na niet, Laet ons slechts huysen timmeren, Si is den pot, so sijn wi dat vleesche | |
4Daeromme sult ghi menschen kint teghen haer propheteren, | |
5Ende die geest des HENREN viel op mi ende sprack tot mi, Segt Also seyt die HEERE Ghi vanden huyse Israels hebt recht ghesproken Het is ghelijc als ghi segt, | |
6Want ghi hebt alte veel vleesche (oft dooden) geslagen, in deser stadt, ende hare straten ligghen vol dooden. | |
7Daeromme spreect die HERE God also, Dye ghi daer in gedoot hebt, die sijn dat vleesche, ende die stadt is den pot, Mer ghi moet hier wt. | |
8Dat sweert dat ghi vreest, dat wil ic ouer v laten comen spreect die HERE God | |
9Ick wil v van daer wtstooten, ende den vreemden in die handen geuen, Ga naar margenoot+ ende ic wil v uwe recht doen | |
10Ghi sult doort sweert vergaen, inden palen Israels wil ic v oordelen, ende ghi sult beuinden dat ick die HERE ben, | |
11Maer die stadt en sal uwen podt niet sijn, noch ghi dat vleesche daer in. Maer in die palen Israels wil ic v oordeelen, | |
12Ende ghi sult vernemen dat ic die HERE ben, want ghi na mijnen zeden niet gewandelt en hebt, ende mine rechten niet gehouden Ga naar margenoot+ Mer ghi hebt gedaen na der Heydenen wijse die rontomme v zijn | |
13Ende doen ic also propheteerde, so sterf Platia die sone Banaia Doen viel ic op mijn aensichte, ende riep met luyder stemmen, ende sprac, Ach HERE God, ghi sullet metten ouerghebleuenen Israels gansch een eynde maken. | |
14Doen gheschiede dat woort des HEREN tot mi ende sprac, | |
15Ghi menschen kint, Dijne broeders ende naeste vrienden, ende dat gheheele huys Israhels die noch tot Hierusalem woonen, spreken wel onder malcanderen Die gene sijn vanden HERE verre wech gheuloden, Mer wi hebben dat lant inne, | |
16daer omme spreect hi, Also seit die HERE God Ia ic hebse verre wech onder die Heydenen laten drijuen, ende in die landen verstroeyt, Nochtans wil ick corts haer verlosser sijn, inden landen, derwaerts si comen sijn | |
17Daeromme segt, Also seyt die HERE God, Ick wil v vergaderen wt die volcken, ende wille v versamen wt den landen, derwaerts ghi verstroyt sijt, ende ic wil v dat lant Israels geuen. | |
18Daer sullen si comen, ende alle die grouwelen ende schouselen daer wt wech doen, | |
19ende wil v een eendrachtich herte in gheuen, ende eenen nieuwen gheest in v gheuen, ende ic wil v dat Ga naar margenoota steenen herte wech nemen wt uwen lijue, ende een vleesschen herte geuen, op dat si in mijne zeden wandelen, ende mijne rechten houden, ende daer na doen, | |
20Ende si sullen mijn volc sijn, ende also wil ic ooc haer God sijn, | |
21Maer den ghenen die nae haerder herten grouwelen, ende schouselen wandelen, wil ic haer doen, op haren kop werpen spreect die HERE God | |
22Doen sloeghen die Cherubim hare vloghelen ende die raders ghingen neffens haer, | |
23Ende die heerlicheyt des Gods Israhels was bouen ouer haer, Ende die heerlicheydt des HEREN verhief haer wt die stadt, ende stelde haer opten berch, die tegen dat oosten voor die stat leyt | |
24Ende eenen wint hief mi op, ende bracht mi in een gesichte, ende inden geest Gods in Chaldea tot die geuangen Ende dat visioen dat ic gesien hadde verdwijnde voor mi, | |
25Ende ic seyde den geuangenen alle die woorden des HEREN, die hi mi vertoont hadde |
|