Den Bybel met groter neersticheyt ghecorrigeert (Liesveltbijbel 1542)

¶ Van desen .xl. Cap. totten eynde toe, wort den prophete in een visioen verthoont, hoe die stadt Hierusalem, ende den tempel weder ghetymmert, ende dat lant weder gheoeffent sal worden, Ende also wort met lieflijcke woorden ende dinghen, die schoonheyt ende chieraet der kercken Christi, ende ooc die salicheyt ende weluaert der gheloouighen in Christo, bescreuen ende ontworpen.

Dat .xl. Capittel.

1

⁺INden vijuentwintichsten iare onser geuangenissen, opten thienden dach der eerster maent, Dat is dat veerthiende iaer, na dien dat die stadt verdestrueert was,

+ A vers 1

2

Effen opten seluen dach quam die hant des HEREN ouer my, ende voerde my daer henen door een godlic gesicht, te weten, int lant Israels, Ende stelde mi op eenen seer hoogen berch, Waer op ic een gesicht sach, gelijc als een getimmerde stadt tegen het Suyden

3

Ende doen hi mi aldaer gebracht hadde, Siet, daer was een man wiens aensicht blincte ghelijck een metale, Die stondt onder dye poorte, ende hadde een metsers meetcoorde, ende een roede in sijnder hant,

4

Ende hi sprac tot mi. Du menschen kint, Siet, ende hoort neersteliken toe, ende merct daer wel op, dat ic v toonen wil, Want daeromme hebbe ick v hier ghebracht, dat ick v sulcx wijsen soude, op dat ghi sulcx alle, wat ghy hier siet, vercondighen soudt den huyse Israels.

5

Ende siet, daer ghinc eenen muere buyten den huyse rontsomme, Ende die roede die dye man hadde in sijn hant, die was ses ellen ende een hantbreet lanck, ⁺ Ende hi mat die timmeragie in die wijde, ende in dye hoochte, met ghelijcke roeden oft voetmaten.

+ B vers 5

6

Ende hi quam totter poorten die int Oosten lach, ende ghinc die trappen, oft graet op, ende mat die posten aen-der poorten, na die lengde, ende na die breyde, met eenderley of ghelijcke roeden,

7

Ende hi mat oock die cameren, die besiden, neffens der poorten waren, na der lengde, ende na die wijde, met ghelijcke roeden, Ende dye wijde tusschen beyde siden, oft den cameren was vijf ellen breet. Ende hi mat oock die stijlen onder die halle oft poortael binnen der poorten met ghelijcke roeden.

8

Ende hi mat dat poortael van binnen der poorten, dat was een roede wijt,

9

ende sijn voorstijlen oft pyleernen daer aen, die waren twee ellen wijt, Dat maect tsamen acht ellen, Want dat poortael stont binnen inder poorten

10

Ende dye cameren der poorten ten Oosten, waren op elcke side drie, deen soo wijt als dandere, Ende op beyde siden stonden ooc die pyleernen, dye waren ghelijc groot.

11

Daer na madt hi dye wijde der gheheelder poorten, die was thien ellen, Ende die hoochte der poorten derthien ellen,

12

Ende die plaetse voor die cameren metten bancken op beyde siden, was een elle, Mer die cameren waren ses ellen wijt, op beyde siden.

13

Daer en bouen mat hi die gansche wijde, van tdack der cameren op deen side vander poorten, totten cameren op die ander side, dat waren vijuentwintich ellen, van deen dore totter anderder, Ende die stonden teghens malcanderen ouer.

14

Hi maecte ooc calomnen, tsestich ellen hooch, Ende voor yeghelike calomne, een vrije plaetse rontsomme der poorten des poortaels,

15

Ende voor dye binnenste poorte teghen dat poortael der binnenster poorten, waren vijftich ellen.

16

Die cameren met hare calomnen, inwaerts op beyde siden der poorten rontsomme, hadden diepe enghe vensterkens, Also waren ooc dye vensterkens aenden poortale rontsomme, Ende bouen op dye calomnen rontsom stonden Dayelboomen, oft schoon louerwerc.

17

Ende hi voerde mi weder inden buytensten voorhof Ende siet, daer waren cameren, ende eenen vloer plaueysel inden voorhof rontsomme, Ende dertich cameren op den vloer,

18

Ende dat plaueysel beneden, ende onder opten bodem gront, besiden aen die poorte wast soo wijt, als van deen eynde der poorten totten anderen.

19

⁺En hi madt die lengde ende die wijde van die buytenste poorte, totten binnensten voorhof, te weten .C. ellen.

+ C vers 19

20

Also madt hi oock die poorte, die Noordtwaerts lach, aenden buytensten voorhof, nae die lengde, ende breede,

21

Die hadde oock drie cameren op beyde siden, Ende die hadde ooc sine calomnen ende hallen, oft poortalen, gelijc inder grootten met die voorschreuen poorte Die wijde was ooc vijftich ellen inder lengde, Ende tusschen die cameren waren ooc vijuentwintich ellen,

22

Ende dye hadde ooc haer vensteren, ende poortalen met sijn louerwerck oft Dayelboomen aen die calomnen ghelijc die Oostpoorte, Ende dye hadde seuen trappen oft graden, daermen op ghinc, Ende hare hallen oft poortalen stonden daer voor.

23

Ende hi mat ooc die poorten aenden binnensten voorhof, tegen Tnoorden, die stracx teghen een ouer stonden, Daer waren hondert ellen vander eender poorte totter anderder, ghelijc die Oostpoorte.

24

Daer na voerde hi mi ooc int Suyden, Ende siet, daer was ooc een poorte, Ende hi mat hare calomnen ende poortalen effenso groot als die andere,

25

Dye hadden ooc met hare poortalen vensteren rontsomme, gelijc die voorghenoemde vensteren. Ende die ruymte was ooc vijtich ellen lanck, ende vijuentwintich ellen wijt,

26

Die poortalen rontomme waren vijuentwintich ellen lanc, ende vijf ellen breet, ende hare hallen ghinghen inden buy-

[p. *]

tensten voorhof, Ende men ghinck opwaerts met acht trappen oft graden, Ende op sine calomnen waren Dayelboomen oft loouerwerck aen elcke side.

27

Ende hy mat ooc die poorte aenden binnensten voorhof, teghen Tzuyden, te weten, hondert ellen vander eender zuydtpoorte totter anderder.

28

⁺Ende hi voerde mi weder door die zuydpoorte, inden binnensten voorhof, Ende mat aldaer die selue zuydpoorte, effen so groot als dye ander, met hare cameren, calomnen ende poortalen,

+ D vers 28

29

ende met die vensteren daer aen, gelijcker mate als met die ander. Ende dye wijde rontsom was ooc vijftich ellen lanc, ende vijuentwintich ellen breet.

30

Ende daer ginc een poortael rontsomme, vijuentwintich ellen hooch, ende vijf ellen wijdt,

31

Dat selue stont voor teghen den buytensten voorhof, Ende hadde oock Dayelboomen oft loouerwerck, aen dye pileernen, Ende daer waren acht trappen oft graden op te gaen.

32

Daer na voerde hy mi ooc totter binnenster poorten, tegen den Oosten, ende mat dye selue poorte, effen soo groot van mate, als die andere,

33

met hare cameren, pijleernen, hallen, ende hare vensteren daer aen, ghelijcker mate met die andere, Ende dye wijde was ooc vijftich ellen lanc, ende dye breyde vijuentwintich ellen.

34

Ende dye hadde ooc een poortael reyckende aenden buytensten voorhof, Ende Dayelboomen oft loouerwerck daer aen, op beyde siden, Ende acht trappen op te gaen.

35

Daer na voerde hi mi ooc ter poorten teghen Tnoorden, dye mat hi effen vander mate als die voorgaende,

36

met hare cameren, calomnen, ende poortalen, ende hare vensteren rontsomme, Ende die ruymte was ooc vijftich ellen lanc, ende vijuentwintich ellen wijdt.

37

Ende hadde ooc een poortael teghen den buytensten voorhof, Ende daer waren Dayelboomen oft loouerwerck aen beyde siden, op die pijleernen, Ende acht trappen daermen op ginc.

38

⁺Ende onder aen des poorten pijleerne was een camere met eender dore, daermen dat brantoffer in wiesch

+ E vers 38

39

Mer in dat poortael vander poorten, stonden op elcke side twee tafelen, waer op men dye brantoffer, sondoffer ende schuldtoffer slaen soude,

40

Ende buytenwaerts ter siden daermen op ghaet ter Noordpoorte, daer stonden oock twee tafelen, Ende aender anderder siden onder dat poortael vander poorten, oock twee tafelen,

41

Also stonden op elcke side voor der poorten, vier tafelen Dat zijn acht tafelen tsamen, daermen op slaet.

42

Ende die vier tafelen totten brantoffer gemaect, dye waren wt ghehouwen steen ghemaect, ander half elle lanc ende breet, ende een elle hooch, Daer op leydemen allerley tuych, ende vaten diemen totten brantoffer, ende die ander offeren ghebruycte, alsmen sloech.

43

Ende daer ginghen oock lijsten rondtsomme inwaerts gheboghen, een dweersche hant hooch daer aen gheslagen, Ende men soude op die tafelen legghen dat offer vleessche.

44

Ende buyten dye binnen poorte warender sanghers cameren, inden binnenste voorhof, Deen aen dye side neffens der poorten teghent Noorden dye sach zuydwaerts Dander ter siden teghen dat Oosten, ende die sach Noordwaerts.

45

Ende hi sprac tot mi, Die camer tegen Tzuyden, die behoort den priesteren, die in dat huys dienen sullen

46

Maer die camer tegen Tnoorden, behoort den priesters die aen dat outaer dienen, Welcke dye sonen Zadok zijn, Dye alleen in dye plaetse der kinderen Leui voor den HERE treden sullen hem te dienen.

47

⁺Ende hi mat ooc die plaetse inden huyse te weten, die voorhof hondert ellen lanc. Ende hondert ellen dye wijde int viercant, Ende dat outaer stont effen voor den tempel.

+ F vers 47

48

Ende hi voerde my tot dat poortael des tempels, Ende hi mat dye poorte des poortaels, ende dye wanden op beyde siden, dye waren elc vijf ellen lanck,

49

Ende elcke dore was aen beyde siden drie ellen hooch. Dye halle oft poortael was twintich ellen hooch, Ende elf ellen wijt, Ende hadde trappen oft graden daermen opwaerts ghinck, Ende daer stonden calomnen onder aen dye wanden, op elcke side een.