Den Bybel met groter neersticheyt ghecorrigeert (Liesveltbijbel 1542)
(2010)–Anoniem Liesveltbijbel–
Auteursrechtelijk beschermd¶ Menigherley schoone leeringhen ende ondewijsinghen. | |
1Ga naar margenoot+DIe wijsheyt des vernederden sal sijn hooft verhogen, ende si sal hem int middel der grooter van staet doen sitten. | |
2En prijst den man niet in sijn gedaente, noch en versmaet den mensche niet in sinen gesichte. | |
3Die bye is een cleyn dierken onder die vliegende mer haer vrucht is bouen maten soete. | |
4En glorieert nemmermeer in cleedinge, noch en verhoocht v niet inden dach uwer eeren, Want die wercken des alderhoochsten alleen sijn wonderlic, ende sijn wercken sijn glorioos, verborghen ende onsienlick. Ga naar margenoot+ | |
5Veel tyrannen saten inden throon, ende die ouermoedelijcke droech die croone, | |
6Veel machtige sijn seer verdruct geweest, ende die gloriose zijn inder andere handen geleuert. | |
7Eer ghi vraecht, soo en lachtert nyemanden, ende als ghi geuraecht hebt, so berispt rechtueerdelijc. Ga naar margenoot+ | |
8En antwoort geen woort eer ghy hoort, ende int middel der ouders en spreect niet, | |
9Van dier saken die v niet en moeyt, en strijdt niet, ende en staet niet mede inden oordeele der sondigender. | |
10Ga naar margenoot+Mijn kint en laet v wercken niet in velen sijn, ende ist dat ghi rijc sijt, ghi en sult nyet onschuldich sijn vander misdaet, Want ist dat ghi na volcht, so en suldijs niet achterhalen, ende ist dat ghi voorloopt, ghy en sulles niet ontulien. | |
11Men vindt menschen dye arbeyden, ende hoe si meer woelen ende arbeyden, hoe si armer worden. | |
12Daer is een traech mensche behoeuende hulpe, ontbrekende van crachte, ende oueruloeyende van armoeden, | |
13ende Gods ooge aenschouwede dyen int goede, ende rechte dien op van sijnder nederheyt, ende hi verhief hem sijn hooft, ende vele verwonderden in hem, ende eerden God. | |
14Goet ende quaet, doot ende leuen, armoede, ende rijcdom, sijn vanden HERE God, Wijsheyt ende onderwijsinge, ende kennisse der wet sijn bi God, Liefde ende der goeder weghen sijn bi hem, | |
15Dolinge ende duysternissen sijn metten sondaren geschapen, ende die hen verhueghen int quaet, die verouden mede int quaet. Ga naar margenoot+ Gods gheuinghe blijft den gherechtigen, ende sijn profijt sal voortganck hebben inder eewicheyt, Daer is een die rijc wert, spaerlic doende, ende dit is dat deel sijns loons, indien dat hi seyt. | |
16Ic hebbe mi ruste gheuonden, ende nv sal ic alleen van mijnen goeden eten ende drincken, | |
17ende en weet niet dat hem den tijt voorby gaet, ende dat die doodt naket, ende dat hijt altemael den anderen laet, Ga naar margenoot+ ende sterft. | |
18Staet in v verbont, ende spreect mede daer in, ende vercout in dat werc uwer gheboden, ende en blijft inder sondaers wercken niet, | |
19Mer betrout in God, ende blijft in v plaetse, want het is licht in Gods oogen den armen onuerhoets rijck te maken. | |
20Ga naar margenoot+Die benedidinge haest haer tot des gherechtigen loon, ende si maect sinen voortganc, vruchtbaer in snelder eeren, | |
21En segt niet, wat is mi van node, ende wat | |
[pagina *]
| |
goeden sullen mi daer af comen? | |
22En segt niet, Ick ben mi seluen genoech, ende ic en behoef nyemants, ende wie oft wat mach mi voortaen hinderen? | |
23Inden dagen der goeden, en sijt niet ongedachtich der quaden, ende inden daghen der quaden en sijt niet ongedachtich der goeden, | |
24Want het is licht voor Gode, eenen yegeliken inder doot, na sijn weghen te verghelden. | |
25Die quaetheit eender vren, maect verghetentheyt groter oueruloedicheyt, ende in des menschen eynde is ontdeckinghe zijnder wercken, | |
26En looft gheenen mensch voor sijn doot, want een man wert in sinen kinderen bekent. | |
27En leyt niet elcken mensch in v huys, | |
28want daer zijn vele lagen des bedriegenden mensches, Want ghelijc die binnenste des herten der stinckender wtruspinghen, | |
29ende ghelijc een velthoen werdt ingheleyt inden nette, ende als die wilde gheyten inden stricke, also is ooc der houeerdiger herte, | |
30ende gelijc een wachter siende den valle sijns naesten. | |
31Want dat goet int quaet verkeerende, leyt hi lagen, ende in de wtuercorene sal hi een vlecke insetten, | |
32want van eender voncken wert dat vier vermeerdert, maer een mensche die een sondaer is, leget den bloede laghen, | |
33Wacht v vanden pestilentiachtigen, want hi smedet quade dinghen, op dat hi niet misschien bescimpinge ouer v en brenge inder eewicheyt, | |
34Laet eenen vreemdelinc tot v comen ende hi sal v verderuen in een onruste, ende hi sal v verureemden van uwen eygenen wegen. |
|