Den Bybel met groter neersticheyt ghecorrigeert (Liesveltbijbel 1542)

Die verkiesinge tot eenen officie der ouerheyt, en sal den mensche niet houeerdich noch stout maken, maer sorchfuldich neerstich ende ghetrouwe ouer die gene die hem beuolen sijn, Ende ander scoone leeren.

Dat .xxxij.Capittel

1

⁺HEbben si v eenen regeerder ghesedt, en wilt v niet verheffen, weest onder hen, als een wt hen,

+ A vers 1

2

Draecht haerder sorghe ende alsoo aenmerct, ende als v sorghe voleyndt is, so sidt ter tafelen, op dat ghy met hen moecht verblijden,

3

ende ontfanct dat cyerat der eeren, tot eender croonen.

4

Ghi oudere spreeckt wijsselijc, want het betaemt v.

5

Dat eerste woort den ghenen die die kennisse lief heeft, ende en belettet den sanc nyet,

6

Daer geen gehoor en is, daer en stortet gheen reden wt, ende en wilt niet onbetamelick werden verheuen in uwe wijsheyt.

7

Gelijc den carbonckel steen een vercieringe des goudes is, alsoo zijn die sangers in dye weerscappen des wijns,

8

Ghelijc in die smedinge des gouts, dat teeken smaragdi is, also ist ghetal des sangers in ghenoechlijcken ende matigen wijn.

9

⁺Hoort swijgende, ende voor die eerweerdicheyt sal v goede eere toecomen,

+ B vers 9

10

Iongelinc spreect in uwe saken nauwelic alst van noode is.

11

Ist dat ghi tweemael geuraecht wert, so hebbe v hooft v antwoorde,

12

In vele dingen zijt als onwetende, ende hoort swijghende ende mede ooc vragende.

13

En vermetet v niet te spreken int midden der grooter van state, ende en spreect niet vele daer ouden zijn.

14

Voor den donder gaet den blixem, ende voor die scamelheyt, sal lieflicheyt voorgaen, ende

[p. *]

voor eerweerdicheyt sal v goede gratie voorcomen,

15

ende inder vren des opstaens, en streelt v niet. Mer voorloopt eerst in v huys, ⁺ ende wert daer toe gheroepen, ende speelt daer.

+ C vers 15

16

Ende doet v voorneminghen, ende niet in misdaden, noch in hooueerdighen woorden

17

Ouer alle dese dingen ghebenedijt den HERE die v ghemaect heeft, ende die v oueruloedelick ouergoten heeft met allen sinen goeden.

18

Die God vreest, dye sal sijn leeringe ontfaen, ende die tot haer waken, sullen die benedictie vinden. ⁺

+ Psalm. c.xviij.

19

Die die wet soecket, sal daer af veruult werden, ende die verradelic doet, sal van haer gheargert werden.

20

Die God vreesen, sullen een rechtuerdich oordeel vinden, ende si sullen die gherechticheden als een licht ontsteken.

21

Die godloose keert die straffinge af, ende hi vlietse, ende nae sinen moetwille can hy een ghelijckenisse vinden.

22

Een wijs man en veracht die wijsheyt ende verstandenisse niet, ⁺ maer een vreemde ende houeerdighe, en heeft geen vreese.

+ D vers 22

24

Mijn kint en doet niet sonder raet, ende na dat gedaen is, en salt v niet berouwen.

25

En gaet inden wech des vals niet, ende ghi en sult v aen dye steenen niet stooten, noch en gelooft v den arbeydelijcken wech niet, Ende en sedt uwer sielen geen arghernisse

26

Ende wacht v van uwen kinderen, Ende van uwen huysghesinne hoedet v,

27

In alle uwen werc, betrout wt uwer sielen, want dat ist onderhouden der geboden,

28

Dye Gode ghelooft, die aenmerckt den geboden, ende die in hem betrout, en sal niet gemindert zijn.