Den Bybel met groter neersticheyt ghecorrigeert (Liesveltbijbel 1542)

[p. *]

Hier beghint dye Euangelie van sinte Marcus. Welcke tracteert vander cracht, stercheyt ende verrijsenis Ihesu Christi.

Van sint Ian Baptista, wat hi adt, ende van sijn cleedinghe, hoe Iesus van Ioannes gedoopt was, ende hoe hem die duuel tempteerde. Hoe hi preecte die penitencie, ende hoe hi gheboot Petrum ende die ander hem na te volgen, ende hoe hi die menscen van die onreyne geesten verloste, ende Peeters wijfs moeder van die cortse genas ende eenen malaetschen mensche reynichde.

Dat .I. Capittel.

[afbeelding]

1

⁺DIt is dat beginsel vander euangelien Iesu Cristi, ⁺ des sone Gods, ⁺

+ A vers 1

+ mal. iij a

+ mat. xi c

2

als gescreuen is inden Propheet Esaia. ⁺ † Siet, ic seynde mijnen enghel voor v die daer uwen wech bereiden sal voor v.

+ Esa. xl a

3

Die stemme des geens die inder woestijnen roepende is, Bereyt den wech des HEREN, maect sijn toepaden recht.

4

Ioannes was inder woestinen, ende doopte ende predicte van dat doopsel der ^a penitencien, tot vergiffenisse der sonden,

a Penitentie dat is die dodinge ons vleeschs met sijne begeerlicheyt met een hernyeuwinghe des geests in Cristo eph. iiij.e Collo i b Ioan. i b, mat. iij.c

5

Ende tot hem ginc wt dat geheel Iootsce lant, ende die van Ierusalem, ende lieten hen al van hem doopen in die Iordane, ende beleden haer sonden,

6

ende Ioannes was gecleet met kemels hayre, ende met eenen leyren gordel om sijn lenden, ende adt sprinchanen ende wilt honich,

7

ende preecte seggende, daer coemt een na mi, dye stercker is dan ic, dien ic niet weerdich en ben, dat ic mi voor hem buyge, ende die riemen sijnder scoenen ontlosse.

8

Ic doope v met water, Mer hy sal v doopen metten heyligen geest. *

9

Ende het gesciede den seluen tijt, dat Iesus wt Galilea van Nazareth quam Ende liet hem doopen van Ioanne in die Iordane,

10

ende also haest als hi clam wt den water, sach hi dat haer die hemelen op deden, ende den geest gelijc een duyue quam neder op hem.

11

Ende daer is een stemme vanden hemel geschiet, Ghi sijt mijn lieue sone, in welcken ic een goet behagen hebbe. ⁺

+ luc. iij d mat, iiij,d ende xvij b

12

Ende terstont dreef hem dye geest inder woestijne,

13

ende was inder woestinen .xl. dagen, ende wert getempteert van Sathana, ende was byden dieren, ende die enghelen dienden hem.

14

Na dien dat Ioannes geuangen was, ⁺ quam Ihesus in Galilea, ende predicte dat Euangelium vanden rijcke Gods,

+ mat, iiij,a lu, iiij,a act, iij,d

15

ende seide, den tijt is veruult, ende dat rijc Gods is bi comen, betert v, ende gelooft den Euangelie.

16

Doen hi aen dat Galileetsce meyr ginc, sach hi Symon ende Andreas sijn broeder, dat si haer netten in die zee wierpen, want si waren visschers. ⁺

+ mat iiij c

17

Ende Iesus sprac tot haer, volcht mi na, ic wil v visscers der menschen maken.

18

Ende terstont lieten si haer netten, ende volchden hem na.

19

Ende doen hi van daer een weynich voort ginc, sach hi Iacob den sone Zebedei, ende Ioannem sinen broeder, dat si haer netten int scip vermaecten, ende terstont riep hijse.

20

Ende si lieten haren vader Zebedeum in dat scip metten huerlingen, ende volchden hem na.

21

⁺Ende si gingen na Capernaum, ende corts na den sabbathen, ginc hi in die schole ende leerde,

+ C vers 21

22

Ende si verwonderden, van sijnder leere. Want hi leerdese als machte hebbende, ende niet als die scriftgeleerden

[afbeelding]

23

Ende daer was in haer scole een mensce beseten met eenen onreynen geest, ⁺ die riep ende seide,

+ luc, iiij,e

24

Och wat hebben wi met v te doen Iesu van Nazareth? sidi gecomen om ons te bederuen? Ic weet dat ghi sijt die heylige Gods

25

Ende Iesus dreychde hem, ende seyde, swijcht stille, ende vaert wt van hem,

26

ende dye onreyn geest verscoorde hem, ende riep luyde, ende voer wt van hem.

27

Ende si beefden alle, also dat si onder malcanderen beuraechden, ende seyden, Wat is dat? wat is dat voor een nyeu leere? Hi gebiet met gewelt den onreynen geesten, ende si zijn hem gehoorsaem.

28

Ende sijn geruchte is verbreyt rontom dat Galileetsce lant, ⁺

+ luc, iiij,f mat, viij b

29

Ende si gingen wter scolen, ende quamen terstont in dat huys Simonis, ende Andree, met Iacob ende Ioannes,

30

Ende Simons huysurouwen moeder die lach ende hadde die cortse, ende terstont seyden si hem van haer,

31

Ende hi ginc tot haer, ende rechtese op ende hieltse byder hant, ende die cortse lietse terstont, ende si dienden hem. ⁺

+ luc. iiij,f

32

Maer des sauonts als dye sonne onder gegaen was, brochten si tot hem alderley crancken ende beseten,

33

ende die geheel stadt was daer vergadert voor die dore,

34

ende hi genas veel crancken met menigherley siecten beladen, ende dreef veel duyuelen wt, ende en liet die duynelen niet spreken, want si kenden hem.

35

Ende des morgens voor den dage, stont hi op, ende ginc van daer, ende Iesus ginc in een woeste plaetse, ende badt daer,

36

ende Petrus met den ghenen die met hem wa-

[p. *]

ren volchden hem haestelic na,

37

ende doen si hem vonden seyden si tot hem, Si soecken v alle,

38

Ende hi sprac tot haer, Laet ons in die naeste stede gaen, dat ic daer ooc predike, Want daer toe ben ic gecomen,

39

ende hi predicte in haer scholen, in geheel Galilea ende dreef die duyuelen wt.

[afbeelding]

40

Ende daer quam tot hem een melaetsch mensce, ende badt knielende voor hem, ende seide tot hem, Wildi, ghi moecht mi wel reynigen,

41

Ende het ontfermde Iesu, ende wtstekende sijn hant, roerde hi hem aen ende seyde, Ic wil dat doen, sijt gereynicht,

42

Ende met dat hi so sprac, ginc de malaetsheit terstont van hem ende hi wert reyn,

43

ende Iesus dreychde hem ende stierden voort van hem ende seyde,

44

siet toe dat ghi dat niet en segt, mer gaet henen ende thoonet v den prince der priesteren, ende offert voor v reyninge dat Moses geboden heeft haer tot een getuygenisse,

45

mer doen hi wt quam begost hi wt te brengen ende openbaer te maken de gesciedenissen, also dat hi daer niet meer en mocht openbaer in die stat gaen, mer hi was buyten in die woeste plaetzen, ende si quamen tot hem van allen eynden