Den Bybel met groter neersticheyt ghecorrigeert (Liesveltbijbel 1542)

Hoe dat Iesus den mensche metter verdorder hant op eenen Saboth genas. Vanden mensche die eenen onreynen geest hadde, Hoe hi sijn .xij. Apostelen vercoos, ende van haer namen.

Dat .iij. Capittel

1

⁺† ENde hi ginc weder in die scole, ende daer was een mensce, die een verdorde hant had,

+ A vers 1

2

ende si wachten op hem, oft hi hem oock gesont maken soude op den Saboth, ⁺ op dat si hem beschuldigen mochten,

+ math xij a

3

Ende hi seyde totten mensche metter verdorder hant,

4

staet op

[p. *]

ende coemt hier int middel, ende hi seyde tot hen, machmen op den Saboth goet doen, of machmen quaet doen? ⁺ dat leuen behouden oft dooden? Mer si swegen stille,

+ mat. xij.b luce. vi b ioan. x.g.

5

Ende hi sachse rontom aen met toornicheit ende was bedroeft ouer haer blinde herten, ende seyde tot dien mensche

[afbeelding]

Steect v hant wt, ende hi stacse wt, ende die hant wert hem gesont als die ander *

6

† Ende die Pharizeen gingen wt, ende hielden terstont eenen raet met Herodes dienaers tegen hem, hoe si hem te nyeute brengen mochten,

7

⁺⁺ maer Iesus ontghinc hen met sinen iongeren aen die zee, ende veel volcx volchde hem na wt Galilea, ende van Iudea

+ B vers 7

+ mat. iiij.d luc. iiij.b

8

ende van Hierusalem ende wt Idumea, ende van dander side der Iordanen dye ontrent Tyrus ende Sydon woonen, hoorende die dingen die hi dede, ⁺ quamen tot hem,

+ Ioan. vi c

9

ende hi seyde tot sinen iongeren, dat si hem een sceepken houden souden, om des volcx wille, op dat si hem niet dringen en souden,

10

Want hi maectender veel gesont, so dat si hem oueruielen al die gheplaecht waren, op dat si hem aenroeren mochten,

11

ende als hem die onreyn geesten sagen, vielen si voor hem neder, ende riepen ende seyden, Ghi sijt die sone Gods,

12

ende hi dreychdese seer scerpelic, dat si hem niet openbaer maken en souden.

13

Ende hi clam op eenen berch, ende riep tot hem welc hi woude, ende die ginghen tot hem,

14

Ende hi ordineerder .xij dat si bi hem souden sijn, en dat hijse wt seynden soude te prediken,

15

ende hi gaf haer macht die crancke gesont te maken, ende die duuelen wt te worpen, *

16

Ende gaf Symon den naem Petrus, ende Iacob den sone Zebedei

17

ende Ian Iacobs broeder, ende gaf haer den naem Boanerges, ⁺ dat is kinder des donders,

+ mat. x.g luc. ix,a

18

ende Andries, ende Philippum, ende Bartholomeum, ende Matheum, ende Thomam, ende Iacob Alpheus sone, Ende Thadeum, ende Symon van Cana,

19

ende Iudas Iscarioten die hem verriet,

20

Ende si quamen int huys, ende doe quam dat volc weder te samen, also dat si geen plaetse en hadden broot te eten,

21

⁺ende doen dat hoorden die bi hem waren, gingen si wt, ⁺ ende wouden hem houden, want si seyden, hi makes te vele,

+ C vers 21

+ mat. xij.b luc. xi.c.

22

Die scriftgeleerden die van Ierusalem gecomen waren, seyden, Hi heeft Beelzebub in, ende door den ouersten duuel drijft hi die duyuelen wt,

23

Ende hi riepse tsamen, ende hi sprack tot haer in ghelijckenisse

Hoe can deen Sathanas den anderen wtgeworpen?

24

Ende ist sake dat een rijc in hem seluen gedeelt wort hoe mach dat blijuen staen? ⁺

+ luc. xij.c

25

Ende is dat een huys gedeelt wert onder malcanderen, hoe mach dat blijuen staen?

26

stelt hem nv Sathanas tegen hem seluen, ende is hi met hem seluen twistich, so en mach hi niet blijuen staen, Mer het is met hem gedaen,

27

Nyemant en can in eens anders huys gaen, ende sinen huysraet beroouen, het en si dat hy te voren den stercken binde, ende dan sijn huys berooue

28

Voorwaer segge ic v, Alle sonden worden vergheuen der menschen kinderen, ooc die lasteringe Gods daer si God mede lasteren,

29

Mer wie den heyligen geest lastert, die en sal nemmermeer vergiffenisse vercrijgen mer hi is sculdich des eewigen gerechts, Want si seiden,

30

hi heeft eenen onreynen geest

31

Ende doen quam sijn moeder ende sijn broeders, ende stonden daer buyten, ende sonden tot hem, ende lieten hem roepen,

32

ende dat volc sadt om hem ende seyden tot hem, ⁺ Siet, v moeder ende v broeders daer buyten vraghen na v,

+ luc. viij a mat. xij.b

33

ende hi antwoorde ende sprac. Wie is mijn moeder ende broeders?

34

ende hi sach rontom hem op sijn iongeren die daer rontom hem saten, ende sprac. Siet dat is mijn moeder ende mijn broeders,

35

want alle die den wille Gods doen, dye is mijn broeder, ende mijn suster ende mijn moeder