Den Bybel met groter neersticheyt ghecorrigeert (Liesveltbijbel 1542)

Van die verclaringhe Iesu opten berghe.

Dat .ix. Capittel

[p. *]

[afbeelding]

1

⁺ENde na ses dagen nam Iesus tot hem Peter, Iacob ende Ian, ende leidese op eenen hoogen berch alleen,

+ A vers 1

2

ende wert verclaert voor haer, ende zijn cleederen werden blinckende ende seer wit, ⁺ als den sneeu, dat geen voller opter aerden so wit maken en can.

+ lu. xi.d. matthei xvij.a

3

Ende Helias versceen hen met Moyse, sprekende met Iesu,

4

ende Petrus antwoorde ende seyde tot Iesum, Meester het is ons goet hier zijn, laet ons hier drie tabernaculen maken, v een, Mose een, ende Helie een,

5

want hi en wist nyet wat hi seyde. Ende si waren zeer veruaert,

6

ende daer quam een wolcke die omsceense, ende een stemme quam wten wolcken ende seide, dit is mijn lieue sone, dyen hoort.

7

Ende terstont daer na rontom siende, en sagen si nyemanden meer dan alleen Iesum bi haer,

8

Mer doen si vanden berge af gingen verboot haer Iesus dat sijt niemant seggen en souden wat si gesien hadden voor dat die sone des menscen opgestaen ware vander doot,

9

ende si behielden dat woort by hen, ende vraechden onder malcanderen, wat is doch dat opstaen vanden dooden,

10

Ende si vraechden hem ende spraken, Dye scriftgeleerde seggen doch dat Helias eerst moet comen

11

Mer hi antwoorde haer ende seyde, Helias sal door sijn toecomst alle dinc weder te recht brengen, ⁺ Ende gelijct van des menscen soon ghescreuen is, op dat hi veel lijden sal, ende versmaet worden

+ B vers 11

12

Mer ic segge v, Helias is gecomen, ende si hebben aen hem gedaen wat si wilden, gelijc van hem gescreuen staet,

13

Ende hi quam tot sijn iongers, ende hy sach vele volcx om haer, ende Scriben, die met hen disputeerden.

14

Ende terstont alst volc Iesum sach, verwonderden ende verscricten si hen, ende liepen toe, ende groetten hem,

15

ende hi vraechde die Scriben, ⁺ waer af beuraecht ghi onder v met haer?

+ matthei. xvij.c

16

† Ende een wten volcke antwoorde ende seide, meester ic heb hier tot v gebracht minen sone, die eenen stommen geest heeft,

17

ende soe waer hi hem aengrijpt so verschoort hi hem, ende scuymt, ende knerst metten tanden ende verdort. Ende ic heb met v iongers gesproken dat si hem wt driuen souden, ⁺ ende si en connen niet

+ C vers 17

18

Hi antwoorde hen, ende seyde, O ghi ongeloouige geslachte, hoe lange sal ic bi v sijn, hoe lange sal ic my met v lijden, brengt hem hier tot mi,

19

ende si brochten hem daer tot hem, Ende terstont als hem die geest sach, verscoorde hy hem, ende viel op die aerde, ende wentelde inder aerden, ende scuymde,

20

ende hi vraechde sinen vader, Hoe langhe ist dat hem dit gebuert is? Hi sprac, Van sijn kintsheyt op,

21

ende dicwils heeft hi hem gheworpen int water, ende int vier, op dat hi hem verdoen soude, Mer vermoechdi yet, so ontfermt v onser, ende helpt ons,

22

Ende Iesus seyde tot hem Waert dat ghi const geloouen, alle dinck is mogelijc den genen die daer gelooft

23

Ende terstont riep des kints vader met tranen ende seyde ic gelooue, Lieue HERE helpt mijn onghelooue.

24

Doen nv Iesus sach dat dat volc toe liep, dreychde hi den onreynen geest, ende seyde tot hem, Ghi stomme ende dooue geest, ic gebiede v, dat ghi van hem vaert, ende vaert daer na niet meer in hem

25

ende hi riep ende verscoorde hem seere, ende voer wt, ende wert als oft hi doot ware, also dat ooc vele seyden. Hi is doot,

26

mer Iesus greep hem bider hant, ende rechte hem op Ende hi stont op,

27

ende doen hi thuys quam, vraechden hem sijn iongeren bisonder, Waerom en conden wi hem niet wt geworpen? Ende hi seyde tot haer,

28

desen aert en canmen niet wt driuen dan door bidden ende vasten. *

† Ende si gingen van daer, ⁺ ende wandelden door Galilea,

+ matthei. xvij.d.

29

ende hi en woude niet dattet yemant weten soude

30

Maer hi leerde sijn iongeren, ende seyde tot haer. Des menscen sone sal ouer geleuert worden, inder sondaers handen ende si sullen hem dooden, ende als hi gedoot is, soo sal hi op den derden dach opstaen.

31

Mer si en verstonden dat woort niet, ende si vreesden hem te vragen

32

⁺Ende hi quam tot Capernaum, Ende doen hi thuys was, vraechde hi haer lieden, ⁺ Wat tracteerdi onder malcanderen op den wege?

+ D vers 32

+ matthei. xviij

33

Mer si swegen al stille, want si hadden onder malcanderen op den wech gedisputeert wie die grootste ware,

34

Ende hi sadt neder, ende riep die twaleue ende seyde tot haer. Soe wie onder v die eerste wil zijn, die sal die leechste sijn voor v allen, ende uwer alder dienaer.

35

Ende hi nam een kindeken, ende sette dat midden onder haer, ende ontfinc dat selue ende seyde hen.

36

Wie een aldusdanigen kindeken ontfangt in mijnen naem die ontfanget mi, ende wie mi ontfangt, die en ontfangt mi niet, mer den genen die mi gesonden heeft. *

37

† Ende Ioannes antwoorde ende seyde. Wi saghen eenen die wierp duuelen wt in uwen name, die welc ons niet na en volcht ende wi verbodent hem (daer om) om dat hi ons niet en volcht, ⁺

+ lu. xvij a esa. lxvi g

38

Mer Iesus seyde, ghi en sult hem dat niet verbieden, want daer en is niemant die een daet of cracht doet in mijnen name, ende mach haest quaet van mi spreken,

39

Wie niet tegen v en is die is met v,

40

Ende so wie v drincken geeft eenen beker waters in minen name, om dat ghi Cristum toebehoort, voorwaer segge ic v, dat en sal hem niet ongeloont blijuen.

41

Ende so wie eenige deser cleynder argert? die in mi geloouen, dyen waer beter, dat hem eenen molensteen aen sinen hals worde gehangen, ende worde in die zee verdroncken.

42

Est ist sake dat v, v hant argert, so snijtse af. Het is v beter dat ghi met eender hant in dat eewich leuen gaet, dan met twee handen te varen in die helle, in dat eewighe vier,

43

daer haren worm niet en sterft? ende haer vier niet geblust en wert.

44

Ende ist sake dat v argeret uwen voet, so houten af, het is v beter dat ghi cruepel in dat leuen ingaet, dan dat ghi twee voeten hebt ende wert in die helle geworpen in dat eewige vier,

45

daer haren worm niet en sterft, ende dat vier niet wtgheblu en wort

46

Ist sake dat v argert v ooge, so werpt dat van v. Het is v beter dat ghi met een ooge int eewich leuen gaet, ⁺ dan met twee oogen geworpen wort in dat helsce vier,

+ mat. v.b lu. xiij.g

47

daer haren worm niet en sterft, ende haer vier niet geblust en wert *

48

Het moet al met vier gesouten worden, ende alle offere sal met soute gesouten worden

49

Dat sout is goet, mer ist dat het sout zijn cracht verliest waer mede salmen dan souten?

50

hebt sout in v, ende vrede onder malcanderen