Den Bybel met groter neersticheyt ghecorrigeert (Liesveltbijbel 1542)

Die Apostel voorseyt vele quaets te gheschien, ende dat door sijnder toecomender passien, ende begheert dat Timotheus tot hem come ende groet die vrienden

Dat .iiij. Capittel

1

⁺SO betuyge ic v nv voor God, ende den HERE Iesu Christo, die daer comen sal te oordeelen die leuende ende die doode in sijnre openbaringe ende zijn rijc.

+ A vers 1

2

Predict dat woordt, soliciteert, het si tijt oft ontijt, straft, dreycht, vermaent met alder lancmoedicheyt ende leere.

3

Want het sal eenen tijt comen, dat si dye salige leeringe niet en sullen willen verdragen, mer na haren eygen lusten sullen si hen seluen leeraers met hoopen vergaderen,

4

na welcken hen die ooren iuecken ende sullen haer ooren vander waerheyt keeren, ende haer totten fabulen keeren.

5

⁺Maer weest ghi wacker, lijdt v, doet dat werck des Euangeliscen predicants, voert uwen dienst redelic wt

+ B vers 5

6

Want ic werde nv geoffert, ende die tijt mijns versceydens is na bi,

7

Ic heb eenen goeden strijt ghestreden, ick heb den loop geeynt, ic hebt ghelooue ghehouden.

8

Nv voort aen is mi bi gheleyt die croone der rechtueerdicheyt, welc mi geuen sal die HEERE in dyen dage, die rechte rechter, mi niet alleen, mer ooc allen die daer liefhebben sijn toecoemst. *

9

Beneerstiget v dat ghi haest tot mi coemt.

10

Want Demas heeft mi verlaten, ende die werelt lief gecregen, ende is tot Testalonica gereyst. ⁺ Titus in Dalmacien, ⁺ Crescens in Galacien, Lucas is alleen bi mi.

+ C vers 10

+ col. iiij.b

11

Marcum neemt met v ende brengt hem met v, want hi is mi orberlic inden dienst.

12

Tychicon heb ic tot Epheso gesonden.

13

Den mantel die ic tot Troade liet bi Carpum, dien brengt met v als ghi coemt, ende die boecken ende bysonder dat pergament,

14

Alexander die coperslagere heeft mi veel quaets bewesen, die HERE betale hem na sine wercken,

15

wacht v voor hem. Want hi heeft onsen woorden seer wederstaen

16

In mijnder eerster verantwoordinghe en stont niemant bi mi, mer si verlieten mi al. Ten is haer niet te verwijten,

17

want die HERE stont bi mi, ende stercte mi op dat door mi die prekinge wt soude comen, ende dat alle Heydenen souden hooren, ende ic ben verlost van

[p. *]

der leeuwen kaken.

18

Die HERE sal mi ooc verlossen van allen quaden wercken, ende salich maken tot sinen hemelscen rijcke, welcken si glorie van eewicheydt tot eewicheyt Amen.

19

Groet Priscam ende Aquilam, ende dat huys Onesiphori.

20

Erastus bleef te Corinthen. Triphimon liet ic te Mileto cranck.

21

Doet neersticheit dat ghi voor den winter coemt. Het groeten v Eubulus ende Pudens, ende Linus, ende Claudia, ende alle die broeders.

22

Die HERE Iesus Christus si met uwen geest, die genade si met v Amen